തൃശൂര്‍: നാട്ടിക മൂസ മുസ്‌ലിയാര്‍ അനുസ്മരണ പ്രസംഗ മത്സരവും തൃശൂര്‍ ജില്ലാ ത്വലബ ലീഡേഴ്‌സ് മീറ്റും നാളെയും ആറിനും തൃശൂര്‍ എം.ഐ.സിയില്‍ നടത്തപ്പെടുന്നു.
നാളെ തുടങ്ങുന്ന പരിപാടിയുടെ ഉദ്ഘാടന സെക്ഷനില്‍ എം.ഐ.സി സെന്‍ട്രല്‍ സമിതി അംഗം അലി മുസ്‌ലിയാര്‍ അജ്മാന്‍ ഉദ്ഘാടനം നിര്‍വഹിക്കും.
ത്വലബ ജില്ലാ ചെയര്‍മാന്‍ അല്‍ റിഷാബ് പെരുമ്പിലാവ് അധ്യക്ഷനാകും. ജില്ലാ കണ്‍വീനര്‍ അഹ്മദ് റിവാദ് സംസാരിക്കും. തുടര്‍ന്നു രാത്രി ഏഴു മുതല്‍ നാട്ടിക ഉസ്താദ് അനുസ്മരണ പ്രസംഗ മത്സരം അരങ്ങേറും.
ഇരുപതോളം ദര്‍സ് അറബിക് കോളജുകള്‍ അണിനിരക്കുന്ന പ്രസംഗ മത്സരത്തില്‍ പത്തു മിനുട്ടു ഒരു വിദ്യാര്‍ഥിക്കു പ്രസംഗിക്കുവാനും അഞ്ചു മിനുട്ടു ചോദ്യോത്തരത്തിനുമുള്ള അവസരവുമാണു ഉണ്ടായിരിക്കുക. തുടര്‍ന്നു ആറിനു പുനരാരംഭിക്കുന്ന പരിപാടിയില്‍ രാവിലെ ഏഴിനു ഷാഹുല്‍ പഴുന്നാന നേതൃ ഗുണങ്ങളെ കുറിച്ചു ക്ലാസെടുക്കും.
സെക്ഷനില്‍ ത്വലബ ജില്ലാ ഓര്‍ഗനൈസര്‍ ഉബൈദ് ഖാദിരിയ്യ, വര്‍ക്കിങ് കണ്‍വീനര്‍ സ്വാദിഖലി തൊഴിയൂര്‍ സംസാരിക്കും. തുടര്‍ന്നു 9.45ന് ആരാണു നേതാവ് സെക്ഷനില്‍ ജില്ലാ പ്രസിഡന്റ് മഹ്‌റൂഫ് വാഫി വിഷയാവതരണം നടത്തും.
സ്വാദിഖ് മുസ്‌ലിയാര്‍ എളനാട്, ബാവാ അലിയാര്‍ സംസാരിക്കും. ശേഷം 11നു പ്രൗഢഗംഭീരമായ സമാപന സെഷനില്‍ എം.ഐ.സി ശരീഅത്ത് കോളജ് പ്രിന്‍സിപ്പാള്‍ ഉസ്താദ് ഓണമ്പിളളി മുഹമ്മദ് ഫൈസി ഉദ്ഘാടനം നിര്‍വ്വഹിക്കും.
ജില്ലാ ചെയര്‍മാന്‍ അല്‍ റിഷാബ് പെരുമ്പിലാവ് അധ്യക്ഷനാകും. ജില്ലാ കണ്‍വീനര്‍ അഹ്മദ് റിവാദ്, ജില്ലാ ജോയിന്റ് കണ്‍വീനര്‍ ഷാഫി പുത്തന്‍ചിറ സംസാരിക്കും. ത്വലബാ മുന്‍ ജില്ലാ ജോയിന്റ് കണ്‍വീനര്‍ റാഷിദ് കൊടുവള്ളി ഉപഹാര സമര്‍പ്പണവും നടത്തും.