പാലക്കാട്: കഴിഞ്ഞ പത്തു മാസം ഹോസ്റ്റലിനകത്ത് പഠനവുമായി കഴിഞ്ഞ ആദിവാസി കുട്ടികള്‍ക്ക് ഇനി അവധിക്കാലം.
പറമ്പിക്കുളം മേഖലയിലെ ഊരുകളില്‍ ഇനിയുള്ള രണ്ടു മാസം കളിയും ചിരിയുമായി അവര്‍ തിമിര്‍ത്തുല്ലസിക്കും. കാടിനകത്തു അവര്‍ അവരുടേതായ പുതിയൊരു ലോകത്താകും ജീവിതം.
നാട്ടിന്‍പുറങ്ങളില്‍ കുട്ടികള്‍ വിരുന്നും വിനോദസഞ്ചാരവുമൊക്കെയായി സമയം ചെലവിടുമ്പോള്‍ അവര്‍ സ്വന്തം ഊരില്‍ കാട്ടാനയെയും, കരടി, പുലി, പുള്ളിമാന്‍ എന്നിവയുടെയും സാന്നിധ്യമറിഞ്ഞും, പ്രകൃതിയോടിണങ്ങിയും ജീവിക്കും.