കാസര്‍കോട്: സാംസ്‌കാരിക വകുപ്പിനു കീഴിലെ ഭാരത് ഭവന്റെ നേതൃത്വത്തില്‍ ബഹുഭാഷാ സാംസ്‌കാരിക സര്‍ഗോത്സവവും ഷേണി ജന്മശതാബ്ദി ആഘോഷവും നാളെ തുടങ്ങും. ഈ മാസം 10 വരെ നടക്കുന്ന പരിപാടിയില്‍ കാസര്‍കോട്, ബദിയടുക്ക, കാഞ്ഞങ്ങാട്, മഞ്ചേശ്വരം എന്നിവിടങ്ങളില്‍ വേദിയുണ്ടാകും. ബഹുഭാഷാ കാവ്യോത്സവങ്ങള്‍, ഗ്രാമീണകലകള്‍, പുസ്തകമേള, ചലച്ചിത്രോത്സവം തുടങ്ങിയവ നടക്കും.
നാളെ വൈകുന്നേരം ആറിനു കാസര്‍കോട് മുനിസിപ്പല്‍ കോണ്‍ഫറന്‍സ് ഹാളില്‍ സാംസ്‌കാരിക സമ്മേളനം തുറമുഖ മന്ത്രി രാമചന്ദ്രന്‍ കടന്നപ്പള്ളിയും ഒന്‍പതിനു വൈകുന്നേരം അഞ്ചിനു നടക്കുന്ന ആദരണം കാഞ്ഞങ്ങാട് കിഴക്കുംകര ചൈതന്യഗ്രൗണ്ടില്‍ സാംസ്‌കാരിക വകുപ്പ് മന്ത്രി എ.കെ ബാലനും ഉദ്ഘാടനം ചെയ്യും.