മലപ്പുറം: അധ്യാപക വിദ്യാര്‍ഥി ബന്ധം പവിത്രമാണെന്നും ഗുരുനിന്ദ അംഗീകരിക്കാനാകില്ലെന്നും എസ്.വൈ.എസ് സംസ്ഥാന വര്‍ക്കിങ് സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ് പറഞ്ഞു. ത്വലബ ഈസ്റ്റ് ജില്ലാ ലീഡേഴ്‌സ് മീറ്റ് ഖുദ്‌വ: 2 കെ 18 സമാപന സമ്മേളനം കാളികാവ് വാഫി പി.ജി കാംപസില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എസ്.കെ.എസ്.എസ്.എഫ് ഈസ്റ്റ് ജില്ലാ പ്രസിഡന്റ് സയ്യിദ് ഹാഷിറലി ശിഹാബ് തങ്ങള്‍ അധ്യക്ഷനായി. വിവിധ സെഷനുകളിലായി സയ്യിദ് നിയാസലി ശിഹാബ് തങ്ങള്‍, ശമീര്‍ ഫൈസി ഒടമല, എം.പി കടുങ്ങല്ലൂര്‍, ഡോ. ലുഖ്മാന്‍ വാഫി അല്‍അസ്ഹരി, ഉമര്‍ദാരിമി പുളിയക്കോട്, യൂനുസ് മാസ്റ്റര്‍ കരുളായി, എ.പി ബാപ്പു ഹാജി, റാഷിദ് ഫൈസി, ഫള്‌ലുറഹ് മാന്‍ ഫൈസി, കബീര്‍ മാളിയേക്കല്‍, മുജ്തബ ആനക്കര തുടങ്ങിയവര്‍ സംബന്ധിച്ചു. ജില്ലാ കണ്‍വീനര്‍ ഹാഫിള് സിദ്ദീഖ് പഴയന്നൂര്‍ സ്വാഗതവും സുഹൈല്‍ കാളികാവ് നന്ദിയും പറഞ്ഞു.