മലമ്പുഴ: ജില്ലയിലെ പ്രധാന ജലസ്രോതസ്സ് നിലകൊള്ളുന്ന മലമ്പുഴ മേഖലയിലും ഭൂഗര്‍ഭ ജിലവിതാനം ഗണ്യമായി കുറയുന്നു. ഭൂഗര്‍ഭ ജലവകുപ്പിന്‍ന്റെ സര്‍വേയിലാണ് പാലക്കാട് ജില്ലയിലെ മലമ്പുഴ, പട്ടാമ്പി ബ്ലോക്കുകളില്‍ ഭൂഗര്‍ഭ ജിലനിരപ്പ് പരിധിയില്‍ കൂടുതല്‍ താഴുന്നതായി കണ്ടെത്തിയിരിക്കുന്നത്.
കഴിഞ്ഞ പത്തുവര്‍ഷത്തിനുള്ളില്‍ മലമ്പുഴ മേഖലയില്‍ 5.4 മീറ്ററും പട്ടാമ്പിയില്‍ 1.7 മീറ്ററും ഭൂഗര്‍ഭ ജലം താഴ്ന്നതായിട്ടാണ് കണ്ടെത്തിയത്. ജില്ലയിലാകമാനുള്ള 65 ഓളം നീരീക്ഷണക്കിണറുകളിലെ ഓരോ മാസത്തെയും റീഡിങേങിലൂടെയാണ് ഭൂഗര്‍ഭജല വകുപ്പിന്റെ തോത് നിര്‍ണയിക്കുന്നത്. മുന്‍ വര്‍ഷങ്ങളില്‍ പുറത്തുവന്ന കണക്കുകള്‍ പ്രകാരം സംസ്ഥാനത്തെ ജില്ലകളില്‍ പാലക്കാട് ജില്ലയിലാണ് ഭൂഗര്‍ഭജലം ശരാശരി നാലു മീറ്ററോളം താഴ്ന്നതായി കണ്ടെത്തിയിരുന്നു.
ഭൂഗര്‍ഭ ജലനിരപ്പു താഴ്ന്ന ബ്ലോക്കുകളെ സെമി ക്രിറ്റിക്കല്‍ വിഭാഗത്തില്‍ പെടുന്നു. ഇവിടങ്ങളില്‍ ഭൂഗര്‍ഭജലത്തിന്റെയളവ് കൂടാനുള്ള ശ്രമത്തിലാണ്. ഭൂഗര്‍ഭജല വിഭവവകുപ്പ്. ഇതുസംബന്ധിച്ച് ബോധവല്‍കരണ ക്ലാസുകള്‍, സെമിനാറുകള്‍ എന്നിവ നടത്തി ജനങ്ങളെ ബോധവല്‍കരിക്കുകയെന്ന ലക്ഷ്യം ദീര്‍ഘകാലത്തെ പ്രവര്‍ത്തന ഫലമായി ഭൂഗര്‍ഭജലം ഗണ്യമായി കുറയുന്ന മേഖലകളെ ഭൂഗര്‍ഭ ജല സുരക്ഷിതമാക്കാനാണ് ലക്ഷ്യമിടുന്നത്.
നേരത്തെ ഏറ്റവും കൂടുതല്‍ ഭൂഗര്‍ഭ ജലം താഴ്ന്നതായി കണ്ടെത്തിയ ചിറ്റൂര്‍ ബ്ലോക്ക് നടപ്പിലാക്കിയ റീചാര്‍ജിങ് പ്രവൃത്തികള്‍ മലമ്പുഴ പട്ടാമ്പി ബ്ലോക്കുകളിലും നടത്താനാണ് പദ്ധതിയിടുന്നത്. ജില്ലയില്‍ പ്രതിവര്‍ഷം കുഴല്‍ക്കിണറുകള്‍ അനിയന്ത്രിതമായി കുഴിക്കുന്നതും തണ്ണീര്‍ത്തടങ്ങളും ജലാശയങ്ങളുമെല്ലാം വ്യാപകമായി നികത്തുന്നതുമാണ് ആശങ്കജനകാം വിധത്തില്‍ ഭൂഗര്‍ഭജലത്തിന്റെ അളവ് കുറയാന്‍ കാരണമാകുമെന്നതെന്ന് പറയപ്പെടുന്നത്.
ജില്ലയില്‍ ഭൂജലവകുപ്പിന്റെ കണക്കുകള്‍ പ്രകാരം 3400 ഓളം കുഴല്‍ക്കിണറുകളുണ്ടെന്നു പറയുമ്പോഴും ഇനിയും കൂടാനാണ് സാധ്യത.
വേനല്‍ കനത്തത്തോടെ അനുദിനം താപനില ഉയരുന്നതും ജനവാസ മേഖലകളിലെ ജലദൗര്‍ലഭ്യവും മൂലം കുഴല്‍ക്കിണര്‍ കുഴിക്കുന്നവരുടെ എണ്ണംകൂടി വരുകയാണ്.
ജലക്ഷാമം രൂക്ഷമാകുന്ന മേഖലകളില്‍ 300 അടി കുഴിച്ചാല്‍ വെള്ളം കിട്ടിയിരുന്നിടത്താണിപ്പോള്‍ 500 മുതല്‍ 600 അടി വരെ കുഴിച്ചാലും വെള്ളം കിട്ടാത്ത സ്ഥിതിയാണ്. നിലവില്‍ സെമി ക്രിറ്റിക്കല്‍ വിഭാഗത്തിലുള്‍പ്പെടുത്തിയ പട്ടാമ്പി ബ്ലോക്ക് 1954 ലെ വരള്‍ച്ചക്കാലത്ത് ഭൂഗര്‍ഭജല നിരപ്പു താഴ്ന്ന ബ്ലോക്കുകളുടെ പട്ടികയിലുള്‍പ്പെട്ടിരുന്ന ജില്ലയിലെ ഏറ്റവും വലിയ നഗരസഭയും ആറോളം പഞ്ചായത്തുകളും ആശ്രയിക്കുന്ന ജലസ്രോതസായ മലമ്പുഴ അണക്കെട്ടുള്ള മലമ്പുഴയില്‍ ഭൂഗര്‍ഭജലവിതാനം ഗണ്യമായി താഴ്ന്നതായുള്ള റിപ്പോര്‍ട്ട് ജനങ്ങളെ ആശങ്കയിലാക്കിയിരിക്കുകയാണ്.
ജില്ലയില്‍ വേനല്‍ക്കാലത്ത് ഏറ്റവും കൂടുതല്‍ ചൂട് രേഖപ്പെടുത്തിയിട്ടുള്ള മലമ്പുഴ - മുണ്ടൂര്‍ മേഖലകളിലാണ് വരും വര്‍ഷങ്ങൡ താപനില ഇനിയും ഉയരുമെന്നിരിക്കെ ഇതിനു ക്രമാതീതമായി മലമ്പുഴ മേഖലയിലെ ഭൂഗര്‍ഭജല്തതിന്റെ അളവും കുറഞ്ഞാല്‍ മേഖലയില്‍ കുടിവെള്ളം മുട്ടുമോയെന്നതും ആശങ്കാജനകമാണ്.