കാന്‍ഗ്ര: സ്‌കൂള്‍ ബസ് താഴ്ചയിലേക്കു മറിഞ്ഞ് 26 കുട്ടികള്‍ മരിച്ചു. ഹിമാചല്‍പ്രദേശിലെ കാന്‍ഗ്ര ജില്ലയിലാണ് അപകടം. ബസ് 100 അടി താഴ്ചയിലേക്കു പതിച്ചുവെന്നാണ് റിപ്പോര്‍ട്ടുകള്‍.

ഒരു സ്വകാര്യ സ്‌കൂള്‍ ബസാണ് അപകടത്തില്‍പ്പെട്ടത്. ബസ് വളയ്ക്കുന്നതിനിടെ നിയന്ത്രണം വിട്ട് താഴ്ചയിലേക്കു പതിക്കുകയായിരുന്നു.

സ്ഥലത്ത് ദേശീയ ദുരന്ത നിവാരണ സേന രക്ഷാപ്രവര്‍ത്തനം നടത്തുകയാണ്. ചില കുട്ടികള്‍ ബസിനകത്ത് പെട്ടിരിക്കുകയാണെന്നാണ് നിഗമനം.

അഞ്ചാം ക്ലാസിലും അതിനു താഴെയും പഠിക്കുന്ന കുട്ടികളാണ് ബസില്‍ ഉണ്ടായിരുന്നവരില്‍ അധികവും.