തിരുവനന്തപുരം: ബിടെക് സപ്ലിമെന്ററി പരീക്ഷ ടൈംടേബിളിലെ അശാസ്ത്രീയതക്കെതിരെ എം എസ് എഫ് ടെക്‌ഫെഡ് പരാതി നല്‍കി.

ബിടെക്  ട3, ട5 സപ്ലിമെന്ററി പരീക്ഷയുടെ ടൈംടേബിള്‍ വിദ്യാര്‍ത്ഥികള്‍ക്ക് വളരെയധികം ബുദ്ധിമുട്ടുണ്ടാക്കുന്നതാണെന്ന് പരാതിയില്‍ ചൂണ്ടിക്കാട്ടുന്നു. നിരവധി വിദ്യാര്‍ത്ഥികള്‍ക്ക് ഒരു ദിവസം തന്നെ രണ്ടു പരീക്ഷയില്‍ പങ്കെടുക്കേണ്ടി വരുന്നു.  'ഈദുല്‍ ഫിതര്‍' പ്രതീക്ഷിക്കുന്ന ദിവസം  ട3 പരീക്ഷ തീരുമാനിച്ചതും വിദ്യാര്‍ഥികള്‍ക്ക് പ്രയാസമുണ്ടാക്കുമെന്ന് പരാതിക്കാര്‍ പറയുന്നു.

ടെക്‌ഫെഡ് സംസ്ഥാന കമ്മിറ്റി വിദ്യാര്‍ഥികള്‍ക്ക് സ്വീകാര്യമായ വിധത്തില്‍ കെ.ടി.യുക്ക് ഒരു ബദല്‍ ടൈംടേബിള്‍ സമര്‍പ്പിച്ചിട്ടുണ്ട്.  എം.എസ്.എഫ്. തിരുവനന്തപുരം ജില്ലാ പ്രസിഡന്റ് ഷഫീക്ക് വഴിമുക്ക്, ടെക്‌ഫെഡ് സ്റ്റേറ്റ് ട്രഷറര്‍ മുഹമ്മദ് ആലി പോന്നത്ത്, ഹാദി റഫാദ്, സഹീന, ഫഹ്മ, സലീന്‍ തുടങ്ങിയവര്‍ കെ.ടി.യു പരീക്ഷ കണ്‍ട്രോളര്‍ ഡോ.ഷാബു .എസ് നെ കാണുകയും തുടര്‍ന്ന് നടത്തിയ ചര്‍ച്ചയില്‍ പ്രസ്തുത വിഷയങ്ങള്‍ ഉന്നയിക്കുകയും പരിഹാരം നിര്‍ദ്ദേശിക്കുകയും ചെയ്തു.