ലഖ്‌നോ: ഉന്നാവോയില്‍ കൗമാരക്കാരിയെ പീഡിപ്പിച്ച കേസില്‍ ബി.ജെ.പി എം.എല്‍.എ കുല്‍ദീപ് സിങ് സെന്‍ഗാര്‍ അറസ്റ്റില്‍. കേസ് അന്വേഷിക്കുന്ന സി.ബി.ഐ ആണ് ഇയാളെ അറസ്റ്റ് ചെയ്തത്.

നേരത്തെ, എം.എല്‍.എയെ സി.ബി.ഐ കസ്റ്റഡിയില്‍ എടുത്തിരുന്നു. എന്നാല്‍, കസ്റ്റഡിയില്‍ എടുത്താല്‍ പോര, ഉടന്‍ അറസ്റ്റ് ചെയ്യണമെന്ന് അലഹബാദ് ഹൈക്കോടതി ഉത്തരവിട്ടിരുന്നു. ഇതിനു പിന്നാലെ, രാത്രി 9.45 ഓടെയാണ് അറസ്റ്റുണ്ടായത്.