പേരൂര്‍ക്കട: കുളത്തില്‍ നീന്തലിന് ഇറങ്ങിയ യുവാവ് മുങ്ങിമരിച്ചു. കൊട്ടാരക്കര തേവലപ്പുറം താഴെപുളിയറത്തറ വീട്ടില്‍ പ്രശാന്ത് (28) ആണ്
മരിച്ചത്. ഇന്നലെ ഉച്ചയ്ക്ക്  ഒരു മണിയോടെ കുടപ്പനക്കുന്നിലെ കുന്നത്ത് കുളത്തിലായിരുന്നു സംഭവം.
പ്രശാന്തും മറ്റൊരാളും ചേര്‍ന്നാണ് ഇന്നലെ കുളത്തിനോടു ചേര്‍ന്ന സ്വിമ്മിംഗ് പൂളില്‍ നീന്താനെത്തിയത്. ഇതിനിടെ വെള്ളത്തില്‍ മുങ്ങുകയായിരുന്നു. വിവരമറിഞ്ഞ് എത്തിയ നാട്ടുകാരിലൊരാളാണ് മൃതദേഹം പുറത്തെടുത്തത്. അപ്പോഴേക്കും മരിച്ചിരുന്നു. പിതാവ്: സുന്ദരന്‍. മാതാവ്: ലീല. കവിത, സുചിത്ര എന്നിവര്‍ സഹോദരങ്ങളാണ്. മുമ്പ് കുടപ്പനക്കുന്നിലെ ഒരു പമ്പില്‍ ജോലിയുണ്ടായിരുന്ന പ്രശാന്ത് അടുത്തിടെ അവിടെത്തന്നെയുള്ള ഒരു ബേക്കറിയിലെ ജീവനക്കാരനായിരുന്നു. മൃതദേഹം തിരുവനന്തപുരം മെഡിക്കല്‍കോളജ് ആശുപത്രി മോര്‍ച്ചറിയില്‍.