എടപ്പാള്‍: ക്വാറി ശുചീകരിക്കുന്നതിനിടെ പതിനൊന്ന് വാളുകള്‍ ഉപേക്ഷിച്ച നിലയില്‍ കണ്ടെത്തി. മറവഞ്ചേരി ചാലപ്രം കോളനിക്ക് സമീപത്തെ സ്വകാര്യ വ്യക്തിയുടെ സ്ഥലത്തെ ക്വാറി ശുചീകരിക്കുന്നതിനിടെയാണ് വാളുകള്‍ കണ്ടെടുത്തത്. കഴിഞ്ഞ ദിവസമാണ് വാളുകള്‍ കണ്ടെടുത്തത്.
അന്യസംസ്ഥാന തൊഴിലാളികളുടെ നേതൃത്വത്തിലാണ് നവീകരണ ജോലികള്‍ നടന്നിരുന്നത്. നാട്ടുകാര്‍ വിവരമറിയിച്ചതിനെ തുടര്‍ന്ന് സ്‌പെഷല്‍ ബ്രാഞ്ച് അധികൃതരും പൊന്നാനി എസ്.ഐ വിനോദിന്റെ നേതൃതത്തിലുള്ള പൊലിസ് സംഘവും സ്ഥലത്തെത്തി അന്വേഷണം ആരംഭിച്ചു.