കല്‍പ്പറ്റ: ജില്ലാ സിവില്‍ സര്‍വിസ് ലീഗ് ഫുട്‌ബോള്‍ ടൂര്‍ണമെന്റ് മെയ് ഒന്നു മുതല്‍ ആരംഭിക്കും. ടൂര്‍ണമെന്റിന്റെ ലോഗോ പ്രകാശനം ജില്ലാ ജഡ്ജ് ഡോ. വി. വിജയകുമാര്‍ നിര്‍വഹിച്ചു. സംഘാടക സമിതി ചെയര്‍മാന്‍ പി.കെ. ജയന്‍ അധ്യക്ഷനായി. കൊമേഴ്‌സ്യല്‍ ടാക്‌സ് ഡപ്യൂട്ടി കമ്മീഷണര്‍ എ.എ അഭിലാഷ്, റൂറല്‍ ഡവലപ്പ്‌മെന്റ് അസിസ്റ്റന്റ് കമ്മിഷണര്‍ പി.സി മജീദ്, പ്രസ് ക്ലബ് പ്രസിഡന്റ് രമേശ് എഴുത്തച്ഛന്‍, സ്‌പോര്‍ട്‌സ് കൗണ്‍സില്‍ സെക്രട്ടറി സതീഷ്‌കുമാര്‍, സംഘാടക സമിതി സെക്രട്ടറി നിധിന്‍, ട്രഷറര്‍ സി.എ രവീന്ദ്രന്‍, സാബു ഏബ്രഹാം, അഭിലാഷ്, നിഷാദ്, ജോമോന്‍, ഷാജി, രതീഷ്, ഹരീഷ്, മുകേഷ് സംസാരിച്ചു.
ലീഗിന്റെ ആദ്യ സീസണില്‍ 13 ഡിപ്പാര്‍ട്ട്‌മെന്റ് ടീമുകള്‍ പങ്കെടുക്കും. മിന്നല്‍ എഫ്‌സി-കെ.എസ്.ആര്‍.ടി.സി, സൂപ്പര്‍ ടസ്‌കേഴ്‌സ്-അനിമല്‍ ഹസ്ബന്‍ഡറി, സെവന്‍സ്റ്റാര്‍ എഫ്‌സി-പഞ്ചായത്ത്, പവര്‍ ബ്ലാസ്റ്റേഴ്‌സ്-കെ.എസ്.ഇ.ബി, ഇറിഗേഷന്‍ എഫ്‌സി, റവന്യൂ റൈവല്‍സ്, ടൈറ്റ് എന്‍ഡ്-ഹെല്‍ത്ത്, ഫൈറ്റേഴ്‌സ് വയനാട്-ജൂഡീഷ്യല്‍, സിവില്‍ സപ്ലൈസ് ഹീറോസ്, ആക്ടീവ് എഫ്‌സി ടൈറ്റാന്‍-ജി.എസ്.ടി, പാന്തേഴ്‌സ്-പി.ഡബ്ല്യു.ഡി, കോപറേറ്റീവ് സ്‌ട്രൈക്കേഴ്‌സ്, യുനൈറ്റഡ് എജ്യുക്കേഷന്‍ എന്നിവയാണ് ടീമുകള്‍.
ലീഗ് കം നോക്ക്ഔട്ട് അടിസ്ഥാനത്തിലാണ് മത്സരം.കളിക്കാരുടെ രജിസ്‌ട്രേഷന്‍ 20നു വൈകുന്നേരം അവസാനിക്കും.