തൃശൂര്‍: കേരള ആം റസ്‌ലിങ് അസോസിയേഷന്റെ 42ാം പഞ്ചഗുസ്തി ചാംപ്യന്‍ഷിപ്പ് 21, 22 തീയതികളില്‍ തൃശൂര്‍ ഇന്‍ഡോര്‍ സേറ്റഡിയത്തില്‍ നടത്തും. പുരുഷ, വനിത, ബോയ്‌സ്, ഗേള്‍സ്, മാസ്‌റ്റേഴ്‌സ്, ഫിസിക്കലി ഹാന്റികാപ്ഡ് വിഭാഗങ്ങളിലായി 63 വ്യത്യസ്ത ക്ലാസുകളില്‍ മത്സരങ്ങള്‍ നടത്തും.
വിജയികള്‍ക്ക് ലഖ്‌നൗവില്‍ നടക്കുന്ന ദേശീയ പഞ്ചഗുസ്തി ചാംപ്യന്‍ഷിപ്പിലേക്കുള്ള കേരള ടീമില്‍ സെലക്ഷന്‍ ലഭിക്കും. 21ന് വൈകിട്ട് അഞ്ചിന് മേയര്‍ അജിത ജയരാജന്‍ ഉദ്ഘാടനം ചെയ്യും. അസോസിയേഷന്‍ സംസ്ഥാന പ്രസിഡന്റ് അന്‍വര്‍ സാദത്ത് എം.എല്‍.എ അധ്യക്ഷനാകും.
22ന് നടക്കുന്ന സമാപന സമ്മേളനം മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. അനില്‍ അക്കര എം.എല്‍.എ, കെ. രാജന്‍ എം.എല്‍.എ, ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് വിന്‍സെന്റ് കാട്ടൂക്കാരന്‍ പങ്കെടുക്കുന്നു.
പത്രസമ്മേളനത്തില്‍ അസോസിയേഷന്‍ ജനറല്‍ സെക്രട്ടറി ജോജി ഏളൂര്‍, ഓര്‍ഗൈനസിങ് സെക്രട്ടറി, വി. ജോഷി ഫ്രാന്‍സിസ്, വൈസ് പ്രസിഡന്റ് ഷാജുമോന്‍ വട്ടേക്കാട്, ട്രഷറര്‍ എം.ഡി റാഫേല്‍ പങ്കെടുത്തു.