കാസര്‍കോട്: ബൈക്ക് അപകടത്തില്‍ സീനിയര്‍ സിവില്‍ പൊലിസ് ഓഫിസര്‍ മരിച്ചു. അമ്പലത്തറ പൊലിസ് സ്റ്റേഷനിലെ സീനിയര്‍ സിവില്‍ പൊലിസ് ഓഫിസര്‍ പനത്തടി പുലിക്കടവിലെ വാക്കില്ലത്ത് കിഴക്കേതില്‍ മധു (42) ആണ് മരിച്ചത്. വൈകീട്ട് നാലോടെ നെല്ലിത്തറ എച്ച്.ആര്‍.ഡി പരിശീലനകേന്ദ്രത്തിനു സമീപമാണ് അപകടമുണ്ടായത്.

മധു സഞ്ചരിച്ച ബൈക്ക് പാതയില്‍ നിന്നും തെന്നി മറിയുകയായിരുന്നു. അപകടത്തില്‍ സാരമായി പരുക്കേറ്റ മധുവിനെ മംഗളൂരുവിലെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കാഞ്ഞങ്ങാട് നിന്നും അമ്പലത്തറയിലേക്ക് പോകുന്നതിനിടെയാണ് അപകടം. ഭാര്യ: രജനി. മകള്‍: രഞ്ജിമ. സഹോദരങ്ങള്‍: മായ, അനില്‍കുമാര്‍.