കാസര്‍കോട്: ഉപരാഷ്ട്രപതി എം. വെങ്കയ്യനായിഡു ഈ മാസം 29ന് കാസര്‍കോടെത്തും. രാവിലെ 10.20നു മംഗളൂരുവില്‍ എത്തുന്ന ഉപരാഷ്ട്രപതി ഹെലികോപ്റ്റര്‍ മാര്‍ഗം പെരിയ കേന്ദ്രസര്‍വകലാശാല ഹെലിപാഡിലെത്തി 11നു സര്‍വകലാശാലയിലെ പുതിയ കാംപസ് ഉദ്ഘാടനം ചെയ്യും. 12.30ന് അദ്ദേഹം തിരികെ മംഗളൂരുവിലേക്കു പോകും.
ഉപരാഷ്ട്രപതിയുടെ സന്ദര്‍ശനവുമായി ബന്ധപ്പെട്ട് ഒരുക്കങ്ങള്‍ വിലയിരുത്താന്‍ ജില്ലാ കലക്ടറുടെ നേതൃത്വത്തില്‍ ചേമ്പറില്‍ യോഗം ചേര്‍ന്നു. ഒരുക്കങ്ങള്‍ കുറ്റമറ്റതാക്കാന്‍ വിവിധ വകുപ്പ് മേധാവികളോട് കലക്ടര്‍ നിര്‍ദേശിച്ചു.
എ.ഡി.എം എന്‍. ദേവിദാസ്, ആര്‍.ഡി.ഒ സി. ബിജു, എ.എസ്.പി വിശ്വനാഥന്‍, പുല്ലൂര്‍പെരിയ പഞ്ചായത്ത് പ്രസിഡന്റ് ശാരദ എസ് നായര്‍, കേന്ദ്രസര്‍വകലാശാല പ്രതിനിധികള്‍, വിവിധ വകുപ്പു മേധാവികള്‍ തുടങ്ങിയവര്‍ സംബന്ധിച്ചു.