കോഴിക്കോട്: അടുത്ത ലോക്‌സഭാ തെരഞ്ഞെടുപ്പില്‍ ബി.ജെ.പിക്കെതിരായ എതിര്‍ശബ്ദം മാത്രമേ ഉണ്ടാകൂവെന്ന് കേരള കോണ്‍ഗ്രസ് (ബി) ചെയര്‍മാന്‍ ബാലകൃഷ്ണ പിള്ള.
ബി.ജെ.പിക്കെതിരേ ഒന്നിക്കണമെന്ന സി.പി.എം നിലപാട് സ്വാഗതാര്‍ഹമാണെന്നും ദേശീയ തലത്തില്‍ ബി.ജെ.പിയെ നേരിടാന്‍ കോണ്‍ഗ്രസിനു കഴിയില്ലെന്നും അദ്ദേഹം പറഞ്ഞു. കോഴിക്കോട്ട് പാര്‍ട്ടിയുടെ ജില്ലാ നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് പി.വി നവീന്ദ്രന്‍ അധ്യക്ഷനായി. ഫിറോസ് പുളിക്കല്‍, സി. വേണുഗോപാലന്‍ നായര്‍, നജീം പാലക്കണ്ടി, ലത്തീഫ് കുറുങ്ങോട്ട്, ഡോ. പി.ടി സാബിറ, ജോളി കോടഞ്ചേരി, സത്യേന്ദ്രന്‍ എടക്കോടി സംസാരിച്ചു.