ചാവക്കാട്: ദേശീയപാതയില്‍ വാഹനാപകടത്തില്‍ രണ്ട് മരണം. നാല് സ്ത്രീകള്‍ക്കും ഒരു കുട്ടിക്കും പരിക്ക്. അയിനിപുള്ളിയില്‍ ഇന്നലെ രാത്രി 11:30 ഓടെ ചാവക്കാട് ഭാഗത്ത് നിന്നും വന്നിരുന്ന വാഗണര്‍ കാറും എതിരെ വന്ന ടെംബോ ട്രാവലറും കൂട്ടിയിടിച്ചാണ് അപകടം. കോട്ടക്കല്‍ സ്വദേശികളായ ഷാഫി (28), അബ്ദുറഹ്മാന്‍ (65) എന്നിവരാണ് മരിച്ചത്. കാറില്‍ ഇവര്‍ക്കൊപ്പം ഉണ്ടായിരുന്ന ഫൈയ്‌റുന്നീസ (21), ഫാരിദ ഫര്‍സാന (22), റുക്കിയ (55), ജുമയ്രിയ (17), മുഹമ്മദ് ഫസ്ബിന്‍ രണ്ട് വയസ് എന്നിവര്‍ക്കാണ് പരുക്കേറ്റത്. ഇവരെ മുതുവട്ടൂര്‍ രാജാ ആശുപത്രിയില്‍ പ്രഥമ ചികിത്സക്ക് ശേഷം തൃശൂര്‍ അശ്വിനി ആശുപത്രിയില്‍ പ്രവേശിപ്പിച്ചു.