മനുഷ്യന്‍ ഭൂമിയെന്ന ഗ്രഹത്തിലെ ജീവികളായിരിക്കില്ലെന്ന വാദവുമായി ഒരു കൂട്ടം ശാസ്ത്രജ്ഞര്‍. പാന്‍സ്‌പെര്‍മിയ ഹൈപ്പോതിസീസ് പ്രകാരം ഭൂമിയിലേക്ക് പതിക്കുന്ന ഉല്‍ക്കകളിലൂടെയും ഛിന്ന ഗ്രഹങ്ങളുടെയും സ്‌പേസ് ഡസ്റ്റിലൂടെയുമാണ് ബാക്ടീരിയകള്‍ ഉണ്ടാകുന്നത്. ഇത് പ്രകാരം മനുഷ്യന്‍ ഭൂമിയില്‍ ഉണ്ടായതല്ല എന്നാണ് ഇവര്‍ പറയുന്നത്.

ഡോക്ടര്‍: എലിസ് സില്‍വറിന്റെ 'മനുഷ്യര്‍ ഭൂമിയില്‍ നിന്നുള്ളവരല്ല' എന്ന പുസ്തകത്തിലാണ് ഇതിനെ കുറിച്ച് പരാമര്‍ശമുള്ളത്. പതിനായിരം വര്‍ഷങ്ങള്‍ക്കു മുമ്പ് അന്യഗ്രഹ ജീവികള്‍ മനുഷ്യ ജീവനെ ഭൂമിയിലേക്ക് കൊണ്ടിട്ടതാണ് എന്നാണ് ഇദ്ദേഹം പറയുന്നത്. മനുഷ്യ വംശം ഏറേ വിലപ്പെട്ടതാണെങ്കില്‍ കൂടിയും ഭൂമിയില്‍ ജീവിക്കാന്‍ തീരെ അനുയോജ്യമല്ലാത്ത ഒന്നാണ് മനുഷ്യന്റെ ശരീരം എന്നാണ് ഇദ്ദേഹത്തിന്റെ കണ്ടെത്തലില്‍ പറയുന്നത്. പൂര്‍ണ്ണ ആരോഗ്യവാനായ ഒരൊറ്റ മനുഷ്യനെ പോലും ഭൂമിയില്‍ കാണാന്‍ കഴിയില്ല എന്ന തെളിവാണ് അദ്ദേഹം തന്റെ വാദം പ്രസ്താവിക്കാന്‍ പറയുന്നത്.