കൊല്ലം: കെ.എസ്.ടി.യു സംസ്ഥാന നേതൃക്യാംപ് ഇന്ന് കൊല്ലം കൊട്ടിയം ക്രിസ്തുജ്യോതി ആനിമേഷന്‍ സെന്ററില്‍ ആരംഭിക്കും. രാവിലെ ഒന്‍പതിന് പ്രസിഡന്റ് എ.കെ സൈനുദ്ദീന്‍ പതാക ഉയര്‍ത്തും. പത്തിന് മുന്‍ മന്ത്രി വി.കെ. ഇബ്രാഹിം കുഞ്ഞ് എം.എല്‍.എ ഉദ്ഘാടനം ചെയ്യും. മുസ്‌ലിം ലീഗ് സംസ്ഥാന സെക്രട്ടറി സി.പി ചെറിയ മുഹമ്മദ്, മുന്‍ എം.എല്‍.എ ഡോ.എ യൂനസ് കുഞ്ഞ്, ജില്ലാ മുസ്‌ലിം ലീഗ് പ്രസിഡന്റ് എം.അന്‍സാറുദ്ദീന്‍, ജനറല്‍ സെക്രട്ടറി നൗഷാദ് യൂനൂസ്, കെ.എസ്.ടി.യു ജനറല്‍ സെക്രട്ടറി കെ. മൂസ, ട്രഷറര്‍ കരീം പടുകുണ്ടില്‍ സംബന്ധിക്കും. 11.30 ന് ഒന്നാം സെഷനില്‍ ഡോ.ജിബി വര്‍ഗീസ് (ചെയര്‍പേഴ്‌സണ്‍, ബോര്‍ഡ് ഓഫ് സ്റ്റഡീസ് ഓഫ് കേരള യൂനിവേഴ്‌സിറ്റി) പ്രഭാഷണം നടത്തും. ഉച്ചയ്ക്ക് രണ്ടിന് സംഘടനാ സെഷനില്‍ മുസ്‌ലിം ലീഗ് സംസ്ഥാന സെക്രട്ടറി സി.പി ചെറിയ മുഹമ്മദ്, കെ.എസ്.ടി.യു സെക്രട്ടറിമാരായ പി.പി മുഹമ്മദ്, പി.കെ.എം ശഹാദ്, എം അഹമ്മദ്, വൈസ് പ്രസിഡന്റ് യൂസഫ് ചേലപ്പള്ളി വിവിധ വിഷയങ്ങള്‍ അവതരിപ്പിക്കും. തുടര്‍ന്ന് വിവിധ വിഷയങ്ങളില്‍ ചര്‍ച്ച നടക്കും.