പെരിങ്ങത്തൂര്‍: പെരിങ്ങത്തൂര്‍ ടൗണില്‍ മാലിന്യം തള്ളുന്നത് ആരോഗ്യവിഭാഗം ഉദ്യോഗസ്ഥര്‍ കൈയോടെ പിടികൂടി. മാലിന്യം തള്ളാന്‍ പോവുകയായിരുന്ന കടയുടമയെ പെരിങ്ങത്തൂര്‍ മുസ്‌ലിം എല്‍.പി സ്‌കൂളില്‍ ടൗണ്‍ ശുചിത്വ യോഗം കഴിഞ്ഞ് ഇറങ്ങുകയായിരുന്ന ആരോഗ്യ വകുപ്പ് ഉദ്യോഗസ്ഥന്‍ പിടികൂടുകയായിരുന്നു.
പിടിയിലായ കടയുടമയ്ക്ക് പിഴ ചുമത്താന്‍ തീരുമാനിച്ചു. പിഴ അടക്കുന്നത് വരെ കട തുറക്കരുതെന്ന നിര്‍ദേശവും നല്‍കി.
പെരിങ്ങളം സോണല്‍ സെക്രട്ടറി വി.പി ജയപ്രകാശ്, ഹെല്‍ത്ത് ഇന്‍സ്‌പെക്ടര്‍ ഷാജി ഉച്ചമ്പള്ളി, മഹേഷ് കൊളോറ, വാര്‍ഡ് കൗണ്‍സിലര്‍ ഉമൈസ തിരുവമ്പാടി എന്നിവര്‍ നേതൃത്വം നല്‍കി.