തിരുവനന്തപുരം: 26-ാമത് സംസ്ഥാന ടെലിവിഷന്‍ അവാര്‍ഡുകള്‍ പ്രഖ്യാപിച്ചു. നിഷ പുരുഷോത്തമനാണ് വാര്‍ത്താ അവതാരക. വിധുബാല ആങ്കര്‍. രാഹുല്‍ കൃഷ്ണ കെ.എസ്, ഫിജി തോമസ് കമന്റേറ്റര്‍. അഭിലാഷ് മോഹന്‍, ടി.എം ഹര്‍ഷന്‍ എന്നിവരെ അഭിമുഖക്കാരായും തിരഞ്ഞെടുത്തു. ബിജു പങ്കജാണ് അന്വേഷണാത്മക പത്രപ്രവര്‍ത്തകന്‍. സെല്‍ഫി കശാപ്പും കശപിശയുമാണ് ടിവി ഷോ.
ദൂരദര്‍ശനിലെ പൂമ്പാറ്റകളുടെ പള്ളിക്കൂടമാണ് കുട്ടികളുടെ പരിപാടി. കാര്‍ത്തിക തമ്പാന്‍ സംവിധാനം ചെയ്യുന്ന നല്ല പാഠമാണ് മികച്ച എഡ്യുക്കേഷന്‍ പ്രോഗ്രാം. പരിപാടിയുടെ അവതാരക പാര്‍വതി കുര്യാക്കോസിനെ ആങ്കറായും ഷൈനി ജേക്കബ് ബഞ്ചമിനെ സംവിധായികയായും തിരഞ്ഞെടുത്തു. സന്തോഷ് എസ്.പിള്ളയാണ് ന്യൂസ് ക്യാമറാമാന്‍.
ജി.ആര്‍ കൃഷ്ണന്‍ സംവിധാനം ചെയ്ത നിലാവും നക്ഷത്രങ്ങളുമാണ് ടെലി സീരിയല്‍. എസ് ബിജിലാല്‍ സംവിധാനം ചെയ്ത അണ്ഡകടാഹത്തിലെ ഒരു പപ്പടം, പ്രകാശ് പ്രഭാകര്‍ സംവിധാനം ചെയ്ത ബാലന്റെ ഗ്രാമം എന്നിവ മികച്ച ടെലിഫിലിമായും തിരഞ്ഞെടുത്തു. ജി.ആര്‍ ഇന്ദുഗോപനാണ് മികച്ച കഥാകൃത്ത്. മഴവില്‍ മനോരമയിലെ കുട്ടികളോടാണോ കളിയാണ് എന്റര്‍ടെയിന്‍മെന്റ് വിഭാഗത്തിലെ ടി.വി ഷോ.
2017 ലെ ടെലിവിഷന്‍ പരിപാടികളിലെ കഥ, കഥേതര, രചനാ വിഭാഗങ്ങളിലായി 16 അംഗ ജൂറിയാണ് പുരസ്‌കാര നിര്‍ണയം നടത്തിയത്.