ശ്രീനഗര്‍: ബുദ്ഗാം ജില്ലയില്‍ ഡ്യൂട്ടിക്ക് നിയോഗിക്കപ്പെട്ട പൊലിസ് ഉദ്യോഗസ്ഥനെ സര്‍വിസ് റിവോള്‍വറുമായി കാണാനില്ലെന്ന് ജമ്മു കശ്മിര്‍ പൊലിസ്. കോണ്‍സ്റ്റബിള്‍ താരിഖ് അഹമ്മദ് ഭട്ടിനെയാണ് കാണാതായത്. ബുദ്ഗാം ജില്ലയിലെ പഖേര്‍പോറയിലേക്ക് നിയോഗിച്ച ഇദ്ദേഹത്തെ ചൊവ്വാഴ്ച രാവിലെ ഡ്യൂട്ടിക്കെത്താത്തിനെ തുടര്‍ന്നാണ് കാണാതായെന്ന നിഗമനത്തില്‍ പൊലിസ് എത്തിയത്.
ഇയാളുടെ സര്‍വിസ് റിവോള്‍വര്‍, ചില സ്‌ഫോടക വസ്തുക്കള്‍ എന്നിവയും കാണാതായിട്ടുണ്ട്. അദ്ദേഹത്തെ കണ്ടെത്താനുള്ള ഉദ്യമങ്ങള്‍ പരാജയപ്പെട്ട സാഹചര്യത്തില്‍ കാണാതായെന്ന പേരില്‍ കേസ് രജിസ്റ്റര്‍ ചെയ്തിട്ടുണ്ട്. ഈ മാസം ആദ്യം ഷോപ്പിയാനില്‍ നിന്ന് ഒരു സൈനികനെ കാണാതായിരുന്നു. അന്വേഷണത്തില്‍ ഇദ്ദേഹം ഭീകര സംഘടനയില്‍ ചേര്‍ന്നതായി വിവരം ലഭിച്ചിരുന്നു.