പുത്തനത്താണി: സാമൂഹിക പുരോഗതിയിലും വിദ്യാര്‍ഥികളുടെ വ്യക്തിത്വ വികാസത്തിലും പൊതുവിദ്യാലയങ്ങള്‍ നിര്‍ണായക പങ്കാണ് വഹിച്ചിട്ടുള്ളതെന്ന് പ്രൊഫ. കെ.കെ ആബിദ് ഹുസൈന്‍ തങ്ങള്‍ എം.എല്‍.എ.
'പൊതുവിദ്യാലയങ്ങള്‍ നാടിന്റെ നന്മക്ക്' എന്ന മുദ്രാവാക്യവുമായി മാറാക്കര പഞ്ചായത്ത് നടത്തിയ പൊതുവിദ്യാഭ്യാസ സംരക്ഷണ കാംപയിന്റെ സമാപനസംഗമം കരേക്കാട് ജി.എല്‍.പി സ്‌കൂളില്‍ ഉദ്ഘാടനം ചെയ്യുകയായിരുന്നു അദ്ദേഹം.
കലാജാഥ, മികവുത്സവം, രക്ഷാകര്‍തൃ സംഗമം എന്നിവ നടന്നു. ഗ്രാമപഞ്ചായത്ത് പ്രസിഡന്റ് എ.പി മൊയ്തീന്‍കുട്ടി മാസ്റ്റര്‍ അധ്യക്ഷനായി. വൈസ് പ്രസിഡന്റ് വഹീദാബാനു, വിദ്യാഭ്യാസ ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ പള്ളിമാലില്‍ മുഹമ്മദലി, അംഗങ്ങളായ വി. മധുസൂദനന്‍, കെ.പി നാരായണന്‍, വി.പി ഹുസൈന്‍, സലീം മണ്ടായപ്പുറം, പി. ജാബിര്‍, പി.പി ബശീര്‍, ചാത്തന്‍ മേലേപ്പാട്ട്, പാത്തിമ ടീച്ചര്‍, ടി.പി തിത്തിമ്മു സുഹറ, കെ.ടി ബുശ്‌റ, ഒ.കെ സുബൈര്‍ സംസാരിച്ചു.