തലയോലപ്പറമ്പ് : മറവന്‍തുരുത്ത് ഗവണ്‍മെന്റ് യു.പി സ്‌ക്കൂളിലെ കുട്ടികള്‍ ഓട്ടന്‍തുള്ളലുമായി നടത്തിയ പരിസ്ഥിതിദിന സന്ദേശയാത്ര ശ്രദ്ധേയമായി. താലൂക്കിലെ 15 കേന്ദ്രങ്ങളിലാണ് പ്രൊഫ. എം.ജി ചന്ദ്രശേഖരന്‍ രചിച്ച മരവും കുട്ടിയും എന്ന ഓട്ടന്‍തുള്ളല്‍ കുട്ടികള്‍ അവതരിപ്പിച്ചത്.
പ്രകൃതിവിഭവഭങ്ങളുടെ അനിയന്ത്രിതമായ ചൂഷണത്തിനും മനുഷ്യരുടെ ആര്‍ത്തിപൂണ്ട വിഭവ ഉപഭോഗത്തിനുമെതിരെയുള്ള മുന്നറിയിപ്പായിരുന്നു ഓട്ടന്‍തുള്ളല്‍. സന്ദേശയാത്രയുടെ ഉദ്ഘാടനം മറവന്‍തുരുത്ത് ഗ്രാമപഞ്ചായത്ത് പ്രസിഡന്റ് പി.വി ഹരിക്കുട്ടന്‍ നിര്‍വഹിച്ചു. ഓട്ടന്‍തുള്ളല്‍ അവതരിപ്പിച്ച പൊതുസ്ഥലങ്ങളില്‍ വൃക്ഷത്തൈകള്‍ നട്ടുകൊണ്ട് പൊതുപ്രവര്‍ത്തകരും രക്ഷകര്‍ത്താക്കളും യാത്രയെ അനുഗമിച്ചു. കുടുംബശ്രീ അയല്‍കൂട്ടങ്ങള്‍, പുരുഷ സ്വയംസഹായസംഘങ്ങള്‍, ഗ്രാമപഞ്ചായത്ത് അംഗങ്ങള്‍ എന്നിവരുടെ നേതൃത്വത്തില്‍ വിവിധ സ്ഥലങ്ങളില്‍ ജാഥയെ വരവേറ്റു. സ്‌ക്കൂള്‍ ഹെഡ്മാസ്റ്റര്‍ എം.വിജയകുമാര്‍, അധ്യാപകന്‍ തിലകന്‍, പരിശീലകന്‍ ഇ.എം ചന്ദ്രന്‍, ടി.ഗോപാലകൃഷ്ണന്‍, റോബു പി.കുര്യാക്കോസ്, പി.രാജ്കുമാര്‍ നേതൃത്വം നല്‍കി.  
തലയോലപ്പറമ്പ് : മറവന്‍തുരുത്ത് ഗവണ്‍മെന്റ് യു.പി സ്‌ക്കൂളിലെ കുട്ടികള്‍ ഓട്ടന്‍തുള്ളലുമായി നടത്തിയ പരിസ്ഥിതിദിന സന്ദേശയാത്ര ശ്രദ്ധേയമായി. താലൂക്കിലെ 15 കേന്ദ്രങ്ങളിലാണ് പ്രൊഫ. എം.ജി ചന്ദ്രശേഖരന്‍ രചിച്ച മരവും കുട്ടിയും എന്ന ഓട്ടന്‍തുള്ളല്‍ കുട്ടികള്‍ അവതരിപ്പിച്ചത്.
പ്രകൃതിവിഭവഭങ്ങളുടെ അനിയന്ത്രിതമായ ചൂഷണത്തിനും മനുഷ്യരുടെ ആര്‍ത്തിപൂണ്ട വിഭവ ഉപഭോഗത്തിനുമെതിരെയുള്ള മുന്നറിയിപ്പായിരുന്നു ഓട്ടന്‍തുള്ളല്‍. സന്ദേശയാത്രയുടെ ഉദ്ഘാടനം മറവന്‍തുരുത്ത് ഗ്രാമപഞ്ചായത്ത് പ്രസിഡന്റ് പി.വി ഹരിക്കുട്ടന്‍ നിര്‍വഹിച്ചു. ഓട്ടന്‍തുള്ളല്‍ അവതരിപ്പിച്ച പൊതുസ്ഥലങ്ങളില്‍ വൃക്ഷത്തൈകള്‍ നട്ടുകൊണ്ട് പൊതുപ്രവര്‍ത്തകരും രക്ഷകര്‍ത്താക്കളും യാത്രയെ അനുഗമിച്ചു. കുടുംബശ്രീ അയല്‍കൂട്ടങ്ങള്‍, പുരുഷ സ്വയംസഹായസംഘങ്ങള്‍, ഗ്രാമപഞ്ചായത്ത് അംഗങ്ങള്‍ എന്നിവരുടെ നേതൃത്വത്തില്‍ വിവിധ സ്ഥലങ്ങളില്‍ ജാഥയെ വരവേറ്റു. സ്‌ക്കൂള്‍ ഹെഡ്മാസ്റ്റര്‍ എം.വിജയകുമാര്‍, അധ്യാപകന്‍ തിലകന്‍, പരിശീലകന്‍ ഇ.എം ചന്ദ്രന്‍, ടി.ഗോപാലകൃഷ്ണന്‍, റോബു പി.കുര്യാക്കോസ്, പി.രാജ്കുമാര്‍ നേതൃത്വം നല്‍കി.