ലണ്ടന്‍: ഇംഗ്ലീഷ് പ്രീമിയര്‍ ലീഗ് ടീമായ സ്വാന്‍സി സിറ്റിക്ക് പുതിയ ഉടമകള്‍. അമേരിക്കന്‍ കണ്‍സോര്‍ഷ്യമാണ് ടീമിന്റെ 60 ശതമാനം ഓഹരികള്‍ സ്വന്തമാക്കിയത്. സ്റ്റീവ് കപ്ലാന്‍ എന്ന വ്യവസായ ഭീമനാണു കൂടുതല്‍ ഓഹരികള്‍ സ്വന്തമാക്കിയത്.
എന്‍.ബി.എ എക്‌സിക്യൂട്ടിവ് വൈസ് ചെയര്‍മാന്‍ മെംഫിസ് ഗ്രിസ്‌ലീസ്, ജേസന്‍ ലെവിയന്‍ എന്നിവരാണ് മറ്റു ഉടമകള്‍. പുതിയ ഓഹരിയുടമകള്‍ ടീമിനെ വളര്‍ച്ചയിലേക്ക് നയിക്കുമെന്നാണ് പ്രതീക്ഷയെന്ന് ക്ലബ് പ്രസ്താവനയില്‍ പറഞ്ഞു.