മലപ്പുറം: ഷിഫ അല്‍-ജസീറ മെഡിക്കല്‍ ഗ്രൂപ്പ് സഹായ ധനം വിതരണം ചെയ്തു. ജീവകാരുണ്യ പ്രവര്‍ത്തനങ്ങള്‍ക്കായി നീക്കിവെച്ച ഇരുപത്തിയൊന്നര ലക്ഷം രൂപയാണ് ഇന്നലെ മലപ്പുറം പ്രസ്‌ക്ലബ്ബില്‍ വെച്ച് വിതരണം ചെയ്തത്. മെഡിക്കല്‍ എന്‍ട്രന്‍സില്‍ നാലാം റാങ്ക് നേടിയ റമീസ ജഹാന്‍, പൂക്കോട്ടൂര്‍ സ്വദേശി ഷഫീറ ബീഗം, ശരീരം തളര്‍ന്ന് കിടപ്പിലായ ചെറുവത്ത്കുന്ന് സ്വദേശി കെ.പി ജിഷാദ്, തൃശ്ശൂര്‍ പൂങ്കുന്നം സ്വദേശി കാനഞ്ചന, പൊന്നാനി സ്വദേശി രവി തുടങ്ങിയവര്‍ക്കാണ് ധനസഹായം വിതരണം ചെയ്തത്. അടുത്ത മൂന്നു വര്‍ഷത്തേക്ക് പത്തുകോടി രൂപ കേരളത്തിലെ ജീവകാരുണ്യ പ്രവര്‍ത്തനങ്ങള്‍ക്കായി മാറ്റിവച്ചിട്ടുണ്ട്.വാര്‍ത്ത സമ്മേളനത്തില്‍ ഷിഫ അല്‍-ജസീറ മെഡിക്കല്‍ ഗ്രൂപ്പിന്റെ സൗദി ഉപദേശക സമിതി ചെയര്‍മാന്‍ കെ.പിമുഹമ്മദ് കുട്ടി, ഗ്രൂപ്പിന്റെ സി.ഇ.ഒ അഷ്‌റഫ് വേങ്ങാട്ട്, യു.എ.ഇ സി.ഇ.ഒ മുഹമ്മദ് ഷാക്കിര്‍, കോര്‍പറേറ്റ് കമ്മ്യൂണിക്കേഷന്‍ വൈസ് പ്രസിഡന്റ് സതിഷ് എരിയാളത്ത് എന്നിവര്‍ പങ്കെടുത്തു.