വെഞ്ഞാറമൂട്: കുടുംബ വഴക്കിനെ തുടര്‍ന്ന് ഭാര്യയുടെ കൈ തല്ലിയൊടിച്ച കേസില്‍ പൊലിസുകാരന്‍ അറസ്റ്റില്‍.
തിരുവനന്തപുരം എ.ആര്‍. കാംപിലെ സിവില്‍ പൊലിസ് ഓഫീസര്‍ കല്ലറ തുമ്പോട് കാവ്യ കൂടാരത്തില്‍ അനില്‍കുമാര്‍(40) ആണ് അറസ്റ്റിലായത്. സ്വകാര്യ സ്‌കൂള്‍ അധ്യാപികയും ഇയാളുടെ ഭാര്യയുമായ പ്രീത(32) നല്‍കിയ പരാതിയുടെ അടിസ്ഥാനത്തിലാണ് നടപടി. കഴിഞ്ഞ 16 ന് ആയിരുന്നു സംഭവം.
കൂടുതല്‍ സ്ത്രീധനം ആവശ്യപ്പെട്ടുള്ള വഴക്കിനിടയില്‍ ഇയാള്‍ ഭാര്യയുടെ കൈ തല്ലിയൊടിക്കുകയായിരുന്നു. ഇതേതുടര്‍ന്ന് 10 ദിവസത്തോളം ചികിത്സ കഴിഞ്ഞിരുന്ന ഇവര്‍ ആശുപത്രിയില്‍ നിന്ന് ഡിസ്ചാര്‍ജ് ചെയ്ത ശേഷം പാങ്ങോട് പൊലിസില്‍ പരാതി നല്‍കി. കഴിഞ്ഞ ദിവസം പ്രതിയെ കല്ലറയില്‍ നിന്നും വെഞ്ഞാറമൂട് സി.ഐ. ആര്‍.വിജയന്റെ നേതൃത്വത്തിലുള്ള പൊലിസ് സംഘമാണ് അറസ്്റ്റു ചെയ്തത്. ഇയാളെ കോടതിയില്‍ ഹാജരാക്കി.