പീരുമേട് : ദേശീയപാത 183 ല്‍ കുട്ടിക്കാനത്തിന് സമീപം മണ്ണിടിഞ്ഞ് ഗതാഗതം തടസപ്പെട്ടത് നീക്കം ചെയ്യുന്നതിനിടെ ടിപ്പര്‍ ലോറി മറിഞ്ഞ് ഡ്രൈവര്‍ക്ക് ഗുരുതരമായ പരിക്കേറ്റു.
പള്ളിക്കുന്ന് സ്വദേശി റെജി (48) യെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് നാല് മണിയോടെയാണ് അപകടം നടന്നത്. ദേശീയ പാതയുടെ വശങ്ങളിലെ കുഴിയിലേക്ക് മണ്ണ് നീക്കം ചെയ്യുന്നതിനിടെ നിയന്ത്രണം വിട്ട ലോറി പിന്നിലേക്ക് മറിയുകയായിരുന്നു.