കല്‍പ്പറ്റ: റോഡിന് കുറുകെ കല്ലുകള്‍ നിരത്തി വച്ച് മദ്യപാനിയുടെ വിളയാട്ടം.
കല്‍പ്പറ്റ പുതിയ ബസ് സ്റ്റാന്റിന് മുന്‍പിലാണ് പതിനഞ്ച് മിനിറ്റോളം പദ്യപാനി റോഡ് കൈയേറി കല്ലുകള്‍ വച്ചും വാഹനങ്ങള്‍ തടഞ്ഞും വിളയാടിയത്.ഇന്നലെ ഉച്ചക്ക് പന്ത്രണ്ടോടെയായിരുന്നു സംഭവം. വലിയ കല്ലുകള്‍ നിരനിരയായി റോഡില്‍ വച്ചതോടെ കണ്ടു നിന്നവര്‍ക്ക് ആദ്യം എന്തു ചെയ്യണമെന്നറിയാത്ത അവസ്ഥയായിരുന്നു. സ്ത്രീകളും കുട്ടികളും ഇയാളുടെ പരാക്രമം കണ്ട് പേടിച്ചോടി. തുടര്‍ന്ന് ഡ്രൈവര്‍മാര്‍ അടക്കമുള്ളവര്‍ സംഘടിച്ചെത്തിയാണ് ഇയാളെ റോഡില്‍ നിന്നും നീക്കിയത്. ഈ സമയം സ്ഥലത്ത് പൊലിസ് ഉണ്ടായിരുന്നില്ല. മദ്യലഹരിയില്‍ വാഹനത്തിന് നേരേ കല്ലേറിയാനും ശ്രമം നടത്തി. വിവരം അറിഞ്ഞ് സ്ഥലത്ത് പൊലിസ് എത്തിയപ്പോഴേക്കും ഇയാള്‍ സ്ഥലം വിട്ടു. കല്‍പ്പറ്റക്ക് സമീപത്തെ ആദിവാസി കോളനിയിലെ താമസക്കാരനാണ് ഇയാള്‍.