ഹരിപ്പാട്: വനിതാ മതില്‍ കേരളീയ നവോഥാനത്തിലെ പുതിയ ചരിത്രമെന്ന് സി.പി.ഐ സംസ്ഥാന എക്‌സിക്യൂട്ടീവ് അംഗം പി. പ്രസാദ്. ജാതിമത കോമരങ്ങളുടെയും സമുദായ പ്രമാണിമാരുടെയും വിലക്കുകളെ ലംഘിച്ച് കേരളത്തിന്റെ തെക്ക് വടക്ക് കോട്ട തീര്‍ത്ത വനിതകള്‍ കേരള നവോഥാന ചരിത്രത്തില്‍ പുതിയ ഏടുകള്‍ എഴുതി ചേര്‍ത്തതായും അദ്ദേഹം പറഞ്ഞു. വനിതാ മതിലിന്റെ ഭാഗമായി ഹരിപ്പാട് നടന്ന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു. അഡ്വ. എസ്. സീമ അദ്ധ്യക്ഷത വഹിച്ചു. അഡ്വ. എസ് സോളമന്‍, ചിന്നു, അഡ്വ. ശ്രീമോന്‍ പള്ളിക്കല്‍, എം.തങ്കച്ചന്‍, മധുസൂദനന്‍, അനി രാജ് സംസാരിച്ചു.