കൊയിലാണ്ടി: ശബരിമല ക്ഷേത്രത്തില്‍ ദര്‍ശനം നടത്തിയ അഡ്വ. ബിന്ദുവിന്റെ കൊയിലാണ്ടി പൊയില്‍കാവിലെ വീടിന് പൊലിസ് സുരക്ഷ ഏര്‍പ്പെടുത്തി. കൊയിലാണ്ടി സി.ഐ ഉണ്ണികൃഷ്ണന്റെയും എസ്.ഐ സജു എബ്രഹാമിന്റെയും നേതൃത്വത്തിലാണ് കനത്ത പൊലിസ് കാവല്‍ ഏര്‍പ്പെടുത്തിയിരിക്കുന്നത്.
ഇതിനു മുന്‍പ് ബിന്ദു ശബരിമലയില്‍ പ്രവേശനത്തിനായി ശ്രമിച്ചപ്പോള്‍ ബി.ജെ.പി പ്രവര്‍ത്തകര്‍ ഈ വീടിനു മുന്‍പില്‍ നാമജപ പ്രതിഷേധം നടത്തിയിരുന്നു. അതിന് ശേഷം ബിന്ദുവും ഭര്‍ത്താവും മകളും താമസിച്ചിരുന്ന ഈ വീട് അടച്ചിട്ടിരിക്കുകയാണ്. എന്നാല്‍ ഇന്നലെ പ്രതിഷേധവുമായി ആരും എത്തിയില്ല. ശബരിമലയിലെ യുവതീ പ്രവേശനത്തില്‍ പ്രതിഷേധിച്ച് ബി.ജെ.പി പ്രവര്‍ത്തകര്‍ കൊയിലാണ്ടിയില്‍ പ്രകടനം നടത്തി.