വടകര: ചോറോട് പഞ്ചായത്തിലെ കുരിക്കിലാട് ടൂറിസ്റ്റ് വാനിനു തീയിട്ടു. പുത്തന്‍തെരു ബി.ജെ.പി ബൂത്ത് പ്രസിഡന്റ് ഗായത്രി ഗിരീഷിന്റെ ടൂറിസ്റ്റ് വാനിനു നേരെയാണ് അക്രമമുണ്ടായത്.
വീട്ടിനടുത്ത് നിര്‍ത്തിയിട്ട കെ.എല്‍ 18 ജെ. 2314 നമ്പര്‍ വിങര്‍ വാനിനു നേരെ വ്യാഴാഴ്ച അര്‍ധരാത്രിയോടെയാണ് അക്രമം ഉണ്ടായത്. ഉടന്‍ ആളുകളുടെ ശ്രദ്ധയില്‍പെട്ടതിനാല്‍ തീ കെടുത്താനായി. അപ്പോഴേക്കും ടയറും ഗ്ലാസും അടക്കം ഒരു ഭാഗം കത്തിനശിച്ചിരുന്നു.
സജീവ ബി.ജെ.പി പ്രവര്‍ത്തകനായ ഗിരീഷ് അയ്യപ്പജ്യോതിക്ക് ആളുകളെ കൊണ്ടുപോയതിലെ വിദ്വേഷമാണ് അതിക്രമത്തിനു കാരണമെന്നും സി.പി.എമ്മാണ് ഇതിനു പിന്നിലെും ബി.ജെ.പി ആരോപിച്ചു. വടകര പൊലിസ് സ്ഥലത്തെത്തി പരിശോധന നടത്തി.