കോഴിക്കോട്: മിഠായിത്തെരുവില്‍ അക്രമിസംഘം തീയിടാന്‍ ശ്രമിച്ച രണ്ടു കടകള്‍ സി.പി.എം ജില്ലാ സെക്രട്ടറി പി. മോഹനനും വ്യാപാരി വ്യവസായി സമിതി നേതാക്കളും സന്ദര്‍ശിച്ചു. നഗരം മുഴുവന്‍ ചുട്ടുചാമ്പലാക്കാനുള്ള ശ്രമമാണു നടന്നതെന്ന് മോഹനന്‍ മാസ്റ്റര്‍ പറഞ്ഞു. ഹര്‍ത്താലിനെ തുടര്‍ന്ന് പാതിരാ നേരത്ത് എത്തിയ സംഘ്പരിവാര്‍ പ്രവര്‍ത്തകര്‍ ലക്ഷ്യംവച്ചത് മിഠായിത്തെരുവിലെ ഒരു ഷോപ്പ് മാത്രമല്ല.
തീ ആളിപ്പടര്‍ത്തി കോഴിക്കോടിനെ മഹാ ദുരന്തത്തില്‍ എത്തിക്കുക എന്നതായിരുന്നു അവരുടെ ഉദ്ദേശ്യമെന്നും മോഹനന്‍ മാസ്റ്റര്‍ പറഞ്ഞു. സംഭവത്തെ നിയമപരമായി നേരിടുമെന്നും കുറ്റക്കാര്‍ക്കെതിരേ കര്‍ശന നടപടി സ്വീകരിക്കുമെന്നും വ്യാപാരി വ്യവാസി സമിതി മിഠായിത്തെരുവ് യൂനിറ്റ് സെക്രട്ടറി കെ. അനില്‍കുമാര്‍ പറഞ്ഞു.