കാക്കനാട്: സാമ്പത്തിക വര്‍ഷം അവസാനിക്കാറായിട്ടും എല്‍.ഡി ക്ലാര്‍ക്ക്, അക്കൗണ്ടന്റ് എന്നീ തസ്തികളില്‍ ജീവനക്കാരെ നിയമിക്കാത്തതില്‍ പ്രതിഷേധിച്ച് പഞ്ചായത്ത് ഡെപ്യുട്ടി ഡയറക്ടര്‍ ഓഫിസില്‍ പഞ്ചായത്ത് ഭരണസമിതി അംഗങ്ങളുടെ കിടപ്പ് സമരം.
എടത്തല ഗ്രമാ പഞ്ചായത്ത് പ്രസിഡന്റ് സാജിത അബ്ബാസിന്റെ നേതൃത്വത്തില്‍ പത്ത് ഭരണസമിതി അംഗങ്ങളാണ് ഓഫിസ് ക്യാബിനില്‍ പായും തലയണയുമായി എത്തി കിടപ്പ് സമരം നടത്തിയത്.
പഞ്ചായത്ത് പദ്ധതി തുക ചെവഴിക്കുന്നില്ലെന്ന് ആരോപിച്ച് നൂറോളം പഞ്ചായത്ത് ജീവനക്കാരുടെ യോഗത്തില്‍ പ്രസിഡന്റിനെയും സെക്രട്ടറിയെയും ചോദ്യം ചെയ്യുന്നത് പതിവായതാണ് പഞ്ചായത്ത് ഭരണസമിതിയെ ചൊടിപ്പിച്ചത്.
തൃക്കാക്കര പൊലിസ് സബ് ഇന്‍സ്‌പെക്ടറുടെ നേതൃത്വത്തില്‍ ഏഴോളം പൊലിസുകാര്‍ സ്ഥലത്തെത്തിയിരുന്നു.