പുല്‍പ്പള്ളി: കര്‍ണാടക വനത്തില്‍ തീ പടര്‍ന്നു പിടിച്ചതോടെ വന്യമൃഗങ്ങള്‍ കൂട്ടത്തോടെ കബനീ തീരത്തേക്കെത്തി. ആനകളും മാനുകളും കൂട്ടമായാണ് കബനി തീരത്തേക്കെത്തുന്നത്. വനത്തിലെ അവശേഷിച്ച ജലസ്രോതസ്സുകള്‍ക്കു ചുറ്റും തീ പടര്‍ന്നതിനാല്‍ വന്യമൃഗങ്ങള്‍ക്ക് ഭക്ഷണവും വെള്ളവും ലഭിക്കാതായി. നൂറുകണക്കിന് കുരങ്ങുകള്‍, കാട്ടുപന്നികള്‍, കാട്ടുപോത്തുകള്‍ എന്നിങ്ങനെ വന്യമൃഗങ്ങളുടെ വന്‍ കൂട്ടമാണ് കബനി തീരത്തെത്തിയിരിക്കുന്നത്.