കണ്ണൂര്‍: പ്രധാനമന്ത്രി ഉജ്വല യോജനയുടെ കീഴിലുള്ള ഗുണഭോക്താക്കളുടെ ലിസ്റ്റ് വിപുലീകരിക്കും. ബി.പി.എല്‍ കുടുംബങ്ങളിലെ സ്ത്രീകള്‍ക്കു പുകരഹിത എല്‍.പി.ജി കണക്ഷന്‍ നല്‍കുക എന്ന ലക്ഷ്യത്തോടെ നടപ്പിലാക്കിയ പദ്ധതിയാണിത്.
പദ്ധതിയുടെ തുടക്കത്തിലുള്ള ലക്ഷ്യമായിരുന്ന അഞ്ചുകോടി കണക്ഷനുകള്‍ നിശ്ചിതസമയ പരിധിക്കു മുന്നേ പൂര്‍ത്തിയാക്കി. കേരളത്തില്‍ കഴിഞ്ഞവര്‍ഷം ഡിസംബര്‍ 26 വരെ 1.55 ലക്ഷം കണക്ഷന്‍ നല്‍കി. പദ്ധതിക്കായി 12800 കോടി രൂപ ബജറ്റില്‍ വിലയിരുത്തിയിട്ടുണ്ട്. സാമൂഹിക സാമ്പത്തിക ജാതി സെന്‍സസിന്റെ അടിസ്ഥാനത്തിലാണ് ഗുണഭോക്താക്കളെ തെരഞ്ഞെടുക്കുന്നതെന്നു എല്‍.പി.ജി സെയില്‍സ് മാനേജര്‍ ബി. ചിത്ര, ബി. ജയകൃഷ്ണന്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.