ചട്ടഞ്ചാല്‍: സമസ്ത കേരള ജംഇയ്യത്തുല്‍ ഉലമ സീനിയര്‍ വൈസ് പ്രസിഡന്റും ചെമ്പരിക്ക മംഗലാപുരം ഖാസിയുമായിരുന്ന സി.എം അബ്ദുല്ല മൗലവിയുടെ കൊലപാതകം കഴിഞ്ഞു ഏഴു വര്‍ഷം തികഞ്ഞിട്ടും കൊലയാളികളെ നിയമത്തിനു മുന്‍പില്‍ കൊണ്ടു വരാത്തതില്‍ പ്രതിഷേധിച്ചു എം.ഐ.സി വിദ്യാര്‍ഥി കോര്‍ഡിനേഷന്‍ കമ്മിറ്റി സംഘടിപ്പിക്കുന്ന പ്രതിഷേധ റാലിയും കേസ് ഡയറിയും ഇന്നു വൈകുന്നേരം 3.30നു ചട്ടഞ്ചാലില്‍ നടക്കും. സമസ്ത ജില്ലാ ജനറല്‍ സെക്രട്ടറി യു.എം അബ്ദുല്‍ റഹ്മാന്‍ മൗലവി ഉദ്ഘാടനം ചെയ്യും.
സമസ്ത പ്രസിഡന്റ് ത്വാഖാ അഹമ്മദ് മൗലവി, ഡോ. സി സുരേന്ദ്രനാഥ്, ഹനാഫ് ഹുദവി സംബന്ധിക്കും. വാര്‍ത്താസമ്മേളനത്തില്‍ കോര്‍ഡിനേഷന്‍ കമ്മിറ്റി ഭാരവാഹികളായ സലീം ദേളി, എം അഫ്താബ്, എ.സി അംറാസ്, സൈനുല്‍ ആബിദ്, ഫിറോസ്, ശുക്കൂര്‍ സംബന്ധിച്ചു.