ഊട്ടി: റെയില്‍വേ ട്രാക്കില്‍ കാട്ടാന ഇറങ്ങിയത് പരിഭ്രാന്തി പരത്തി. ഊട്ടി-മേട്ടുപാളയം റെയില്‍ പാതയിലെ റണ്ണിമേടിലാണ് റെയില്‍വേ ട്രാക്കില്‍ കാട്ടാന ഇറങ്ങിയത്. ഇന്നലെ രാവിലെ ഏഴ് മണിക്കാണ് സംഭവം. ആനയെ കണ്ട് ട്രെയിന്‍ അല്‍പം ദൂരെ നിര്‍ത്തിയിടുകയായിരുന്നു. ഉടനെ വനം വകുപ്പിനെ വിവരമറിയിക്കുകയായിരുന്നു.
തുടര്‍ന്നെത്തിയ കുന്നൂര്‍ ഫോറസ്റ്റ് റെയ്ഞ്ചര്‍ ശിവയുടെ നേതൃത്വത്തിലുള്ള വനപാലക സംഘം സ്ഥലത്തെത്തി ആനയെ വനത്തിലേക്ക് തുരത്തി. മരപ്പാലം, റണ്ണിമേട്, കാട്ടേരി, ബര്‍ളിയാര്‍ എന്നിവിടങ്ങളിലെ ചക്ക ഭക്ഷിക്കാനാണ് കാട്ടാനകളെത്തുന്നത്.
ഇതുകാരണം ഊട്ടി-മേട്ടുപാളയം പര്‍വത ട്രെയിന്‍ സര്‍വീസ് അരമണിക്കൂര്‍ വൈകിയാണ് ഓടിയത്.