കൊച്ചി: കുസാറ്റില്‍ എസ്. എഫ് ഐ പ്രവര്‍ത്തകര്‍ ചേര്‍ന്ന് വിദ്യാര്‍ഥിയെ കാറിടിപ്പിച്ച് വീഴ്ത്തിയെന്ന് ആരോപിച്ച് വിദ്യാര്‍ഥികളുടെ പ്രതിഷേധം. എസ്.എഫ്.ഐ യൂണിറ്റ് സെക്രട്ടറിയും പ്രസിഡന്റും ചേര്‍ന്നാണ് ആക്രമിച്ചതെന്നാണ് ആരോപണം. വിദ്യാര്‍ഥികള്‍ അഡ്മിനിസ്‌ട്രേറ്റീവ് ബ്ലോക്ക് ഉപരോധിക്കുകയാണ്.

ഞായറാഴ്ച രാത്രിയിലാണ് നാലാം വര്‍ഷ വിദ്യാര്‍ഥി ആസില്‍ അബൂബക്കറിനെ കാറിടിച്ചു വീഴ്ത്തിയ ശേഷം ആക്രമിച്ചത്. തലയ്ക്ക് കമ്പിവടിക്ക് അടിയേറ്റ വിദ്യാര്‍ഥി കളമശേരി മെഡിക്കല്‍ കോളജ് ആശുപത്രിയില്‍ ചികിത്സയിലാണ്.

എസ്.എഫ്.ഐ യൂണിറ്റ് സെക്രട്ടറി പ്രജിത്ത് കെ. ബാബു, പ്രസിഡന്റ് രാഹുല്‍ എന്നിവരെ പുറത്താക്കണമെന്ന് ആവശ്യപ്പെട്ടാണ് വിദ്യാര്‍ഥികള്‍ പ്രതിഷേധവുമായി രംഗത്തെത്തിയിരിക്കുന്നത്.

സംഭവത്തില്‍ എസ്എഫ്‌ഐ നേതാക്കള്‍ക്കെതിരേ കളമശ്ശേരി പൊലിസ് വധശ്രമത്തിന് കേസെടുത്തിട്ടുണ്ട്.