ഒമാന്‍ തൊഴില്‍ മന്ത്രാലയം തൊഴിലിടങ്ങളിലെ പരാതികള്‍, ആവലാതികള്‍ എന്നിവ അറിയിക്കുന്നതിനുള്ള സംവിധാനങ്ങള്‍ സംബന്ധിച്ച് പുതിയ നിബന്ധനകള്‍ പുറത്തിറക്കി. 2024 ഒക്ടോബര്‍ 20നാണ് ഒമാന്‍ തൊഴില്‍ മന്ത്രാലയം ഇക്കാര്യം അറിയിച്ചത്.

ഒമാന്‍ തൊഴില്‍ മന്ത്രാലയം ഇതുമായി ബന്ധപ്പെട്ട് '617/2024' എന്ന ഒരു ഔദ്യോഗിക ഉത്തരവ് പുറത്തിറക്കിയിട്ടുണ്ട്. '53/2023' ഉത്തരവ് മുന്നോട്ട് വെക്കുന്ന പരാതികള്‍, ആവലാതികള്‍ എന്നിവ അറിയിക്കുന്നതിനുള്ള സംവിധാനങ്ങള്‍ സംബന്ധിച്ച വ്യവസ്ഥകള്‍ നടപ്പിലാക്കുന്നതിനുളള നിബന്ധനകള്‍ ഉള്‍ക്കൊള്ളുന്നതാണ് ഈ ഔദ്യോഗിക ഉത്തരവ്.

#وزارة_العمل تصدر
قـــراراً وزارياً رقـــــــم 2024/617
فـي شأن نظام الشكاوى والتظلمات.

للاطلاع على تفاصيل القرار من خلال الرابط الآتي 🔻https://t.co/Skt5ePrzG2 pic.twitter.com/mVKwpGW0EF

— وزارة العمل -سلطنة عُمان (@Labour_OMAN) October 20, 2024

ഉത്തരവിന്റെ ആര്‍ട്ടിക്കിള്‍ ഒന്ന് പ്രകാരം അമ്പതോ, അതില്‍ കൂടുതലോ ജീവനക്കാരുള്ള എല്ലാ തൊഴിലുടമകളും പരാതികള്‍, ആവലാതികള്‍ എന്നിവ കേള്‍ക്കുന്നതിനും, പരിഹരിക്കുന്നതിനുമുള്ള ഒരു സംവിധാനം നിര്‍ബന്ധമായും നടപ്പിലാക്കണം. മാത്രമല്ല ഈ സംവിധാനം ഒരുക്കേണ്ടത് ഒമാന്‍ തൊഴില്‍ മന്ത്രാലയം നിര്‍ദ്ദേശിച്ചിട്ടുള്ള നിബന്ധനകള്‍ക്ക് വിധേയമായിട്ടായിരിക്കണം.

ഈ ഉത്തരവിലെ ആര്‍ട്ടിക്കിള്‍ രണ്ടില്‍ ഈ വിഷയവുമായി ബന്ധപ്പെട്ട് രാജ്യത്ത് നിലനിന്നിരുന്ന മുന്‍ വ്യവസ്ഥകളെല്ലാം റദ്ദ് ചെയ്യുന്നതായി വ്യക്തമാക്കിയിട്ടുണ്ട്. ഉത്തരവ് ഔദ്യോഗിക ഗസറ്റില്‍ പ്രസിദ്ധീകരിക്കുന്ന ഉടന്‍ തന്നെ ഈ നിബന്ധനകള്‍ ഒമാനില്‍ പ്രാബല്യത്തില്‍ വരും.

കൂടൂതൽ ​ഗൾഫ് വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക

Oman has released new guidelines for reporting workplace complaints and grievances, ensuring a safer and more accountable work environment. These regulations aim to protect employees' rights and promote fair labor practices.