ഹൈദരാബാദ്: ആന്ധ്രയിലെ പ്രശസ്തമായ തിരുമല തിരുപ്പതി വെങ്കടേശ്വര ക്ഷേത്രത്തില്‍ തീപിടിത്തം. കഴിഞ്ഞ ദിവസം പുലര്‍ച്ചെയാണ് തീപിടിത്തമുണ്ടായത്. നിരവധി ആളുകള്‍ ദര്‍ശനത്തിനായി ക്ഷേത്രത്തില്‍ ഉണ്ടായിരുന്ന സമയത്താണ് അപകടമുണ്ടായത്. ക്ഷേത്രത്തിലെ പാചകശാലയിലാണ് തീയുണ്ടായത്. തീപിടിത്തത്തിന്റെ കാരണം വ്യക്തമല്ല. 20 ലക്ഷം രൂപയുടെ നഷ്ടം ഉണ്ടായെന്നാണ് പ്രാഥമിക വിവരമെന്ന് തിരുമല തിരുപ്പതി ദേവസ്വം അധികൃതര്‍ അറിയിച്ചു. ആന്ധ്രപ്രദേശിലെ ചിറ്റൂരിലാണ് തിരുമല തിരുപ്പതി ദേവസ്ഥാനം.