റിയാദ്: തന്റെ വാഹനമായ ബൈക്ക് മോഷണം പോയ സംഭവത്തിൽ അതീവ ദുഃഖത്തിൽ സങ്കടം സഹിക്കാൻ കഴിയാതെ അടക്കി നിർത്താൻ കഴിയാത്ത കരച്ചിലാണ് അറബ് സോഷ്യൽ മീഡിയയിൽ വൈറൽ. തൊട്ടു പിറകെ സഹായ വാഗ്ദാനങ്ങളുടെ പെരുമഴയും. സഹായം ചില്ലറയല്ല. ലക്ഷങ്ങൾ വിലയുള്ള കാർ. ഒരു സ്ഥാപനത്തിൽ സെക്യൂരിറ്റിമാൻ ആയി ജോലി ചെയ്യുന്ന സഊദി പൗരൻ നാസിർ അഹമദിൻ്റെ മോട്ടോർ സൈക്കിൾ മോഷണം പോകുകയായിരുന്നു. ഇതേ തുടർന്നാണ് അറബ് മീഡിയകളിൽ  ചിത്രങ്ങളും വീഡിയോയും വൈറലായത്.

[caption id="attachment_809142" align="aligncenter" width="630"] നാസിർ അഹമദ് തനിക്ക് ലഭിച്ച കാറിൽ[/caption]

 

       ബൈക്ക് മോഷണം പോയതിനെ തുടർന്ന് ഒരു മൊബൈൽ വീഡിയോയിൽ പ്രത്യക്ഷപ്പെട്ട നാസിർ അഹമദ് മോട്ടോർ സൈക്കിൾ മോഷണം പോയ സങ്കടത്തിൽ കരയുന്നുണ്ടായിരുന്നു. ജോലിക്ക് എത്താനും വീട്ടിൽ തിരികെ പോകാനും ഈ മോട്ടോർ സൈക്കിളായിരുന്നു നാസിർ അഹമദ് ഉപയോഗിച്ചിരുന്നത്. 1500 റിയാൽ നൽകിയായിരുന്നു നാസിർ അഹമദ് ഈ സൈക്കിൾ വാങ്ങിയത്.

       എന്നാൽ അബ്ദുൽ അസീസ് ബിൻ ഫഹദ് രാജകുമാരൻ ഈ വീഡിയോ കാണാനിടയാകുകയും സഊദി പൗരനു 2 ലക്ഷം റിയാൽ നൽകുമെന്ന് പ്രഖ്യാപിക്കുകയും ചെയ്തതോടെ സംഭവം കൂടുതൽ ശ്രദ്ധയാകർഷിച്ചു. രാജകുമാരനു പുറമെ മറ്റു ചില സഊദി വ്യവസായികളും നാസിർ അഹമദിനു സഹായം വാഗ്ദാനം ചെയ്തിരുന്നു.

[caption id="attachment_809143" align="aligncenter" width="630"] സഊദി രാജകുമാരൻ[/caption]

     സമ്മാനമായി ലഭിച്ച നിസാൻ്റെ കാറിൽ ഇദ്ദേഹം ഇരിക്കുന്ന ചിത്രവും വൈറലായിരിക്കുകയാണ്. രാജകുമാരൻ അബ്ദുൽ അസീസ് ബിൻ ഫഹദിനു പുറമെ ഒരു യു എ ഇ വനിത നാസിറിനു വലിയൊരു തുകയും കൂടാതെ നിരവധിയാളുകളും ഓഫർ ചെയ്തിരുന്നെങ്കിലും നാസിർ അത് സ്നേഹ പൂർവ്വം നിരസിക്കുകയും ചെയ്തിരുന്നു.