പ്രമുഖ ഇരുചക്ര വാഹന നിര്‍മാതാക്കളായ ടി.വി.എസ് മോട്ടോഴ്‌സ്, ടി.വി.എസ് ജുപ്പിറ്റര്‍ മില്യണ്‍ ആര്‍ സ്‌പെഷല്‍ എഡിഷന്‍ വിപണിയിലിറക്കി. കേവലം 30 മാസത്തിനുള്ളില്‍ വിറ്റഴിച്ചതിന്റെ ആഘോഷങ്ങളുടെ ഭാഗമായാണ് ജുപ്പിറ്റര്‍ മില്യണ്‍ ആര്‍ അവതരിപ്പിച്ചത്. 10 ലക്ഷത്തെ അനുസ്മരിച്ചുകൊണ്ട് ജുപ്പിറ്റര്‍ മില്യണ്‍ ആറില്‍ 10 പ്രത്യേക ഘടകങ്ങള്‍ ഉള്‍പ്പെടുത്തിയിട്ടുണ്ട്. റോയല്‍ വൈന്‍ നിറമുള്ള പുതിയ ജുപ്പിറ്ററില്‍ ഡ്യുവല്‍ ടോണ്‍ സീറ്റാണുള്ളത്. മുന്‍ഭാഗത്തെ ഡിസ്‌ക് ബ്രേയ്ക്ക്, മൊബൈല്‍ ചാര്‍ജര്‍ സംവിധാനം, ക്രോം മിറര്‍, ഫ്‌ളോര്‍ മാറ്റ്, മില്യണ്‍ ആര്‍ കീ റിങ് എന്നിവയാണ് മറ്റ് ഘടകങ്ങള്‍. സമ്പൂര്‍ണ അലൂമിനിയം ലോ-ഫിക്ഷന്‍ 110 സിസി എഞ്ചിന്‍, ഏറ്റവും മികച്ച ഇന്ധനക്ഷമത, മെറ്റല്‍ ബോഡി എന്നിവയോടുകൂടിയാണ് മില്യണ്‍ ആറിന്റെ വരവ്. ഡല്‍ഹി എക്‌സ് ഷോറൂം വില 53,034 രൂപ.