ഇരിട്ടി: വള്ളിത്തോട് മഹല്ല് മുസ്‌ലിം ജമാഅത്ത് കമ്മറ്റിയുടെ ആഭിമുഖ്യത്തില്‍ ഈ വര്‍ഷം എസ്.എസ്.എല്‍.സി എക്‌സാം എഴുതുന്ന വിദ്യാര്‍ഥികള്‍ക്കു വേണ്ടി ഈസിവേ മോട്ടിവേഷന്‍ ക്ലാസും ഇരിട്ടി മേഖലാ ഇസ്‌ലാമിക് കലാമേളയില്‍ ജേതാക്കളായ നാസ് മുഹമ്മദ്,ഫാസ് മുഹമ്മദ്, ഉമര്‍ മുക്താര്‍ ഹുദവി, കെ.എസ് അലി മൗലവി എന്നിവര്‍ക്ക് സ്വീകരണവും നല്‍കി. അബ്ദുല്‍ മജീദ് സഖാഫി ഉദ്ഘാടനം ചെയ്തു. ജമാഅത്ത് കമ്മിറ്റി പ്രസിഡന്റ് കീത്തടത്ത് അബൂബക്കര്‍ ഹാജി അധ്യക്ഷനായി. ഐഡിയല്‍ ആര്‍ട്‌സ് ആന്റ് സയന്‍സ് കോളജ് ചെര്‍പ്പുളശ്ശേരി അക്കാദമിക് കോര്‍ഡിനേറ്റര്‍ ഉസ്മാന്‍ ഹുദവി മോട്ടിവേഷന്‍ ക്ലാസിന് നേതൃത്വം നല്‍കി. സി അബ്ദുല്‍ ഖാദര്‍, സി.കെ യാക്കൂബ്, എം മുഹമ്മദ് ബഷീര്‍, കെ.കെ കുഞ്ഞിമൂസ ഹാജി, എം മുഹമ്മദ് ജസീര്‍, ഉമര്‍മുക്താര്‍ ഹുദവി, കെ.എസ് അലി മൗലവി, എം.പി അഫ്‌സല്‍, അശ്‌റഫ് കമാല്‍ സംസാരിച്ചു.