ആലപ്പുഴ: കൈനകരി കോലോത്ത് ജെട്ടിക്ക് സമീപം ഹൗസ്‌ബോട്ടിന് തീപിടിച്ചു.
ജീവനക്കാര്‍ തീ അണച്ചതിനാല്‍ വന്‍ദുരന്തം ഒഴിവായി. വിദേശ വിനോദസഞ്ചാരികളാണ് ബോട്ടിലുണ്ടായിരുന്നത്. സംഭവത്തെക്കുറിച്ച് പുളിങ്കുന്ന് പൊലിസ് അന്വേഷണം തുടങ്ങി.
കഴിഞ്ഞ വ്യാഴാഴ്ച വേമ്പനാട്ട് കായലില്‍ പാതിരാമണലിന് സമീപം മറ്റൊരു ഹൗസ് ബോട്ടിന് തീപിടിച്ചിരുന്നു. തലനാരിഴയ്ക്കാണ് കൈക്കുഞ്ഞുങ്ങളടക്കം 13 പേര്‍ അപകടത്തില്‍ നിന്ന് രക്ഷപ്പെട്ടത്.
കണ്ണൂര്‍ മട്ടന്നൂര്‍ സ്വദേശികളാണ് ബോട്ടിലുണ്ടായിരുന്നത്. തീപിടുത്തമുണ്ടായ ബോട്ടിന് ലൈസന്‍സില്ലെന്ന് തുറമുഖ വകുപ്പ് പിന്നീട് കണ്ടെത്തിയിരുന്നു.