ഗൂഡല്ലൂര്‍: തിരുനല്‍വേലിയില്‍ നടക്കുന്ന തമിഴ്‌നാട് സംസ്ഥാന മുസ്്‌ലിം ലീഗ് സമ്മേളനത്തിന്റെ പ്രചാരണത്തിന്റെ ഭാഗമായി നീലഗിരി ജില്ലാ മുസ്്‌ലിം ലീഗ് കമ്മിറ്റി വാഹന പ്രചാരണ ജാഥ സംഘടിപ്പിച്ചു. മേല്‍ ഗൂഡല്ലൂരില്‍ ജില്ലാ മുസ്്‌ലിം ലീഗ് പ്രസിഡന്റ് കെ.പി മുഹമ്മദ് ഹാജി ജാഥ ക്യാപ്റ്റന്‍ നീലഗിരി ജില്ലാ യൂത്ത് ലീഗ് സെക്രട്ടറി എസ് റഷീദിന് പതാക കൈമാറി ഉദ്ഘാടനം ചെയ്തു. നീലഗിരി ജില്ലാ മുസ്്‌ലിം ലീഗ് ജന.സെക്രട്ടറി സി.എച്ച്.എം ഹനീഫ, വി.കെ ഹനീഫ, ആലി ഉപ്പട്ടി, എസ് മുഹമ്മദലി, ഒ.എം യൂസഫ്, മുസ്താഖ് മാസ്റ്റര്‍, റഫീഖ് ബിതര്‍ക്കാട്, നാസര്‍ ഒന്നാം മൈല്‍, കുട്ടിപ്പ ഗൂഡല്ലൂര്‍, കുഞ്ഞാവ ഹാജി തുടങ്ങിയവര്‍ പങ്കെടുത്തു. ഗൂഡല്ലൂര്‍, ഓവാലി പഞ്ചായത്തുകളില്‍ പര്യടനം പൂര്‍ത്തിയാക്കി വൈകിട്ട് ഗുഡല്ലൂര്‍ രണ്ടാം മൈലില്‍ സമാപിച്ചു. ഇന്ന് ദേവര്‍ഷോല പഞ്ചായത്തിലെ നമ്പര്‍ ത്രി ഡിവിഷനില്‍ നിന്നാരംഭിക്കുന്ന ജാഥ കെ കുഞ്ഞാവ ഹാജി ഉദ്ഘാടനം ചെയ്യും. ദേവര്‍ഷോല, നെല്ലാക്കോട്ട പഞ്ചായത്തുകളിലൂടെ ജാഥ പര്യടനം നടത്തി എരുമാടില്‍ സമാപിക്കും. നാളെ രാവിലെ ചേരംമ്പാടിയില്‍ നിന്നാരംഭിക്കുന്ന ജാഥ തമിഴ്‌നാട് സംസ്ഥാന സെക്രട്ടറി എം.എം സലാം ഉദ്ഘാടനം ചെയ്യും. ചേരംങ്കോട് പഞ്ചായത്ത്, നെല്ലിയാളം മുന്‍സിപ്പാലിറ്റിയില്‍ പര്യടനം പൂര്‍ത്തിയാക്കി ഗൂഡല്ലൂര്‍ ചെമ്പാലയില്‍ സമാപിക്കും.