കൊച്ചി: ചിന്മയ വിശ്വവിദ്യാപീഠത്തിന്റെ ഈവര്‍ഷത്തെ ചിന്മയാ പ്രതിഭാ പുരസ്‌കാരം പ്രശസ്ത ഹൃദ്‌രോഗ വിദഗ്ധന്‍ പത്മഭൂഷണ്‍ ഡോ. എം.എസ് വല്ല്യത്താന് സമ്മാനിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ഭാരതീയ വൈദ്യശാസ്ത്ര മേഖലക്ക് നല്‍കിയ സംഭാവനകളെ മുന്‍നിര്‍ത്തിയാണ് പുരസ്‌കാരം.

16ന് വൈകിട്ട് 3.30ന് എറണാകുളം വെളിയനാട് ആദിശങ്കരനിലയത്തില്‍ വച്ച് നടക്കുന്ന ചടങ്ങില്‍ ചിന്മയ വിശ്വവിദ്യാപീഠം വൈസ് ചാന്‍സലര്‍ പ്രൊഫ. ഡോ. ഗൗരി മാഹുലീകര്‍ പുരസ്‌കാരം സമ്മാനിക്കും. റിട്ട. എയര്‍ മാര്‍ഷല്‍ എം. മതേശ്വരന്‍ മുഖ്യതിഥിയായിരിക്കും.

ചിന്മയാ സര്‍വകലാശാല അസി. രജിസ്ട്രാര്‍ ഡോ. എസ്. സൗമ്യ, സൈക്കോളജി വിഭാഗം പ്രൊഫസര്‍ ശ്രീവല്‍സകുമാര്‍ എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.