മലപ്പുറം: കേരള മാപ്പിളകലാ അക്കാദമിയുടെ 30ാം വാര്‍ഷികാഘോഷത്തിന്റെ ഭാഗമായി മാര്‍ച്ച് 11 മുതല്‍ ഒരു വര്‍ഷം നീണ്ടുനില്‍ക്കുന്ന മാപ്പിളപ്പാട്ട് മഹോത്സവവും മതമൈത്രി സന്ദേശ ജാഥയും സംഘടിപ്പിക്കും. മാപ്പിളകലയുടെ ദൃശ്യാവിഷ്‌കരണം, മാപ്പിളകലാകാരന്മാരുടെ സമ്പൂര്‍ണ ഡയറക്ടറി പ്രസിദ്ധീകരണം, മാപ്പിളകലയുടെ മത്സരങ്ങള്‍, വിധിനിര്‍ണയത്തിലെ അപാകതകള്‍ എന്നിവയെക്കുറിച്ചുള്ള പരിപാടികളും സിമ്പോസിയങ്ങളും സംഘടിപ്പിക്കും.
പഴയകാല മാപ്പിള കലാകാരന്മാരെയും കലാകാരികളെയും ആദരിക്കുക, പുതിയ തലമുറയിലെ കലാകാരന്മാര്‍ക്ക് അവാര്‍ഡ് നല്‍കുക, തനിമയാര്‍ന്ന മാപ്പിളകലകള്‍ അവതരിപ്പിക്കുക എന്നിവ ഇതിന്റെ ഭാഗമായി എല്ലാ ജില്ലകളിലും നടത്തും.
മാര്‍ച്ച് 11ന് രാവിലെ എട്ടിന് കോഴിക്കോട് ടൗണ്‍ഹാളില്‍ മാപ്പിളപ്പാട്ട് രചയിതാവ് ബാപ്പു വെള്ളിപ്പറമ്പ് പതാക ഉയര്‍ത്തും. വൈകിട്ട് നാലിന് സമാപന സമ്മേളനത്തില്‍ മന്ത്രിമാര്‍, എം.പിമാര്‍, എം.എല്‍.എമാര്‍, സാമൂഹിക സാംസ്‌കാരിക രാഷ്ട്രീയ നേതാക്കളുടെ സാന്നിധ്യത്തില്‍ അവാര്‍ഡ് ദാനവും ആദരിക്കലും കുന്ദമംഗലം സി.കെ ആലിക്കുട്ടിയുടെ നേതൃത്വത്തില്‍ ഗാനമേളയും നടക്കും. ഫോണ്‍: 8281675975, 9349475915.
പുതിയ സംസ്ഥാന ഭാരവാഹികളായി അസീസ് തായിനേരി (പ്രസി), അബ്ദുറഹിമാന്‍ എളേറ്റില്‍, അഷ്‌റഫ് കൊടുവള്ളി, ഷിഹാബുദ്ദീന്‍ കിഴിശ്ശേരി(വൈ.പ്രസി), കുന്ദമംഗലം സി.കെ ആലിക്കുട്ടി (ജന.സെക്ര), ജിയാദ് മങ്കട, നൗഷിര്‍ പരുത്തിപ്പാറ, അഷ്‌റഫ് കൊണ്ടോട്ടി (ജോ.സെക്ര), പുത്തൂര്‍ കൊയിലാട് കുഞ്ഞിസീതിക്കോയ തങ്ങള്‍ (ട്രഷ) എന്നിവരെ തെരഞ്ഞെടുത്തു.