കൊണ്ടോട്ടി: മഹാകവി മോയിന്‍കുട്ടി വൈദ്യര്‍ മഹോത്സവത്തില്‍ അന്തരിച്ച ഇ. അഹമ്മദ് എം.പിയുടെ ഫോട്ടോ അനാച്ഛാദനം ചെയ്യാത്തതിനെ ചെല്ലി വിവാദം. അന്തരിച്ച സ്ഥലം എം.പി ഇ. അഹമ്മദിന്റെ ഫോട്ടോ അനാച്ഛാദനം ചെയ്യാത്ത നടപടിയാണ് വിവാദമായത്.
ഈ വര്‍ഷം ടി.എ റസാഖ്, യൂസുഫലി കേച്ചേരി, വടകര കൃഷ്ണദാസ്, പല്ലവി കുഞ്ഞുട്ടി എന്നിവരുടെ ഫോട്ടോകളാണ് അനാച്ഛാദനം ചെയ്തിരുന്നത്. സ്ഥലം എം.പി എന്ന നിലയില്‍ നേരത്തെ വൈദ്യര്‍ സ്മാരകത്തിന് ഫണ്ടനുവദിച്ച ഇ. അഹമ്മദിനെ ഒഴിവാക്കിയതാണ് വിവാദമായത്. വൈദ്യര്‍ മഹോത്സവ സമാപന സമ്മേളനത്തില്‍ നഗസരസഭാ പ്രതിപക്ഷ നേതാവ് യു.കെ മുഹമ്മദ്ഷാ ഇതു തുറന്നു പറയുകയും ചെയ്തു. പിന്നീട് ഇ.അഹമ്മദിന്റെ ഫോട്ടോ അക്കാദമിയില്‍ അനാച്ഛാദനം ചെയ്യുമെന്ന് അക്കാദമി ചെയര്‍മാന്‍ ടി.കെ ഹംസ അറിയിച്ചു.