മണ്ണാര്‍ക്കാട്: മാനവിക രാഷ്ട്രീയം, മാതൃകാ യൗവ്വനം എന്ന പ്രമേയത്തില്‍ മുസ്‌ലിംയൂത്ത്‌ലീഗ് നടത്തി വരുന്ന കാമ്പയിന്റെ ഭാഗമായി കുമരംപുത്തൂര്‍ പഞ്ചായത്ത് യൂത്ത്‌ലീഗ്, കുമരംപുത്തൂര്‍ യൂത്ത്‌ലീഗ് വാട്ട്‌സ്അപ്പ് കൂട്ടായ്മയും ചേര്‍ന്ന് ഇന്ന് നെല്ലിപ്പുഴ ഹില്‍വ്യു ഓഡിറ്റോറിയത്തില്‍ (ഇ. അഹമ്മദ് സാഹിബ് നഗര്‍) നടക്കും. രാവിലെ 10ന് ക്യാമ്പ് യൂത്ത്‌ലീഗ് സംസ്ഥാന ട്രഷറര്‍ എം.എ സമമദ് ഉദ്ഘാടനം ചെയ്യും. സഅദ് അരിയൂര്‍ അധ്യക്ഷനാകും. ഒ.പി റിയാസ് മൗലവി ഖിറാഅത്ത് നടത്തും. നൗഷാദ് വെളളപ്പാടം സ്വാഗതവും, ഷരീഫ് പച്ചീരി നന്ദിയും പറയും. എം.മമ്മദ് ഹാജി, ഹുസൈന്‍ കോളശ്ശേരി, അസീസ് പച്ചീരി, കറൂക്കില്‍ മുഹമ്മദാലി, അര്‍സല്‍ എരേരത്ത്, സൈനുദ്ദീന്‍ നെച്ചുളളി, സുബൈര്‍ ആമ്പാടത്ത് സംബന്ധിക്കും. തുടര്‍ന്ന് മുസ്‌ലിംലീഗ് മണ്ഡലം ട്രഷറര്‍ പി. മുഹമ്മദാലി അന്‍സാരി ക്യാമ്പ് മെസേജ് നല്‍കും. 11.30ന് നടക്കുന്ന ഐഡിയോളജി ഓഫ് മുസ് ലിംലീഗ് എന്ന വിഷയത്തില്‍ ഉസ്മാന്‍ താമരത്ത് ക്ലാസെടുക്കും. ഉച്ചക്ക് 2.30ന് ലീഡര്‍ഷിപ്പ് ക്വാളിറ്റി എന്ന വിഷയത്തില്‍ തില്‍ സിജി ട്രൈനര്‍ സി.പി സുഹൈല്‍, 3.30ന് കറന്റ് പൊളിറ്റിക്‌സ് ഇന്‍ കേരള എന്നതില്‍ ടി.പി.എം ബഷീറും ക്ലാസെടുക്കും. വൈകീട്ട് 4.30ന് നടക്കുന്ന സമാപന സമ്മേളനം മുസ്‌ലിംലീഗ് ജില്ലാ സെക്രട്ടറി പൊന്‍പാറ കോയക്കുട്ടി ഉദ്ഘാടനം ചെയ്യും. യൂത്ത്‌ലീഗ് ജില്ലാ ജനറല്‍ സെക്രട്ടറി ഗഫൂര്‍ കോല്‍ക്കളത്തില്‍ മുഖ്യപ്രഭാഷണം നടത്തും. സഅദ് അരിയൂര്‍ അധ്യക്ഷനാകും.