കൊല്ലം: ജില്ലയില്‍ നിന്ന് ജയിച്ച എല്ലാ എം.എല്‍.എമാര്‍ക്കും മന്ത്രിമാര്‍ക്കും 15ന് പൗര സ്വീകരണം നല്‍കും. വൈകുന്നേരം നാലിന് സി കേശവന്‍ സ്മാരക ടൗണ്‍ഹാളില്‍ ചേരുന്ന സമ്മേളനം മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ജില്ലയില്‍ നിന്നും ജയിച്ച് മന്ത്രിമാരായ അഡ്വ. കെ രാജു, ജെ മേഴ്‌സിക്കുട്ടിയമ്മ എന്നിവര്‍ക്കും മറ്റ് ഒമ്പത് എം.എല്‍.എമാര്‍ക്കുമാണ്  സ്വീകരണം നല്‍കുന്നത്. എല്‍.ഡി.എഫിന്റെ സംസ്ഥാന ജില്ലാനേതാക്കള്‍ പങ്കെടുക്കും. ജില്ലയിലെ എല്ലാ ജനപ്രതിനിധികളും ബഹുജനസംഘടനാ നേതാക്കളും സമ്മേളനത്തില്‍ പങ്കെടുക്കും.